دکتۆر کامەران رەسوڵ ژاژڵەیی، پسپۆڕی زانستی خۆراک لەبڵاوکراوەیەکدا لە ھەژماری خۆی لە فەیسبوک ئەو ژەمە خۆراکانەی دیاری کرد کە پێویستە توشبووانی نەخۆشی شەکرە لە ژەمەکاندا بیخۆن. 

دەقی بڵاوکراوەکە: 


--  ژەمی بەیانی :
ــ یەک نانی تیری ( ئاردی بۆر یان جۆ )
ــ یەک قاپ ماستی بێ چەوری یان کەم چەوری ( سەرتوێژەکەی نەخورێت ) یا یەک ھێلکەی کوڵاو یان چوار گوێز یان ۱ ــ ۲ پارچە پەنیری بێ چەوری یان کەم چەوری
&&& سەعات ۱۰ ی بەیانی : یەک میوە بە قەبارەی دەستی نەخۆشەکە یان سەوزەی وەک خەیار و ترۆزی
&&& ژەمی نیوەڕۆ :
ـــ یەک قاپ زەڵاتە پێش خواردنەکە
ـــ ( ۱۲ )کەوچک برنجی دەنک درێژی بۆر بە پڵاو باشترە یان ساوەر یان گەنمەکوتاو
ـــ یەک قاپ شلە ۰ 
ــــ لە کاتی خواردنی گۆشت پێویستە یەک پارچە سینگی مریشک یان پەلەوەر بێ پێست و چەوری و بە کوڵاوی یان یەک کوت گۆشت بێ چەوری بە کوڵاوی ۰
ــــ سەعات سێی عەسر : یەک میوە بە قەبارەی دەستی نەخۆشەکە یان سەوزەی وەک خەیار و ترۆزی
&&& ژەمی ئێوارە :
ـــ یەک قاپ زەڵاتە پێش خواردنەکە
ــ یەک نانی تیری ( ئاردی بۆر یان جۆ )
ـــ یەک قاپ نیسکێنە یان نۆکاو یان لۆبیا یان گەنم و ماش یان دوو پەتاتەی کوڵاو یان یەک قاپ تەماتەی سورکراوە
یان ئەگەر توانرا باشترە ھەفتەی ( ۲ ــ ۳ جار ) ماسی برژاو بخوات ۰ 
&&& سەعات ۹ ی شەو :یەک میوە بە قەبارەی دەستی نەخۆشەکە یان سەوزەی وەک خەیار و ترۆزی یان یەک پەرداخ شیری بێ چەوری یان کەم چەوری ۰ 
&&& بەڵام ھەموو نەخۆشێکی شەکرە پێویستە ئەم خاڵانە ڕەچاو بکات :
ـــ پێویستە ڕۆژانە نیو سەعات بە پێ بڕوات یان ھەر وەرزشێکی تر بکات 
ـــ ڕۆژانە لە ( دوو گرام و نیو ) زیاتر خوێ زیاتر لە خواردنەکانی دا نەبێت و ئەگەر زەغتی بەرز بوو یان نەخۆشی دڵ یان سستی گورچیلەی ھەبوو پیویستە کەمتر بێت لە ( یەک گرام و نیو ) ۰ 
ـــ پێویستە شووتی و کاڵەک و ترێ ڕۆژانە یەک جار زیاتر نەخوات ۰ئەویش یەک قاش یان یەک ھێشوو قەبارەی دەستی نەخۆشەکە ۰
ـــ بۆ چێشت لێنان زەیتی ڕووەک بەکار بێت وەک زەیتی زەیتون و کەتان و گوڵە بەڕۆژە ۰ 
ــ دابەزندانی کێش و چارەسەری قەڵەوی و خۆپارستن لێی ۰ 
ـــ زوو خەوتن و زوو ھەستان و چارەسەکردنی کێشەی کەم خەوی ۰
&&&& گرنگترین ڕێنمایەکانی خۆراک بۆ نەخۆشی شەکرە :
ـــ خواردنی سێ ژەمی سەرەکی ڕۆژانە لە کاتی خۆی دا بە تایبەتی ژەمی بەیانی زۆر گرنگە ۰ 
ـــ خواردنی سێ جار سناک لە نێوان ژەمەکان ( باشترە سەوزە و میوە بێت )
ـــ پێویستە ئاو زۆر بخورێتەوە لە نێوان ژەمەکان بە بەڕدەوامی ( ۱۲ پەرداخ ) بە لانی کەمەوە و کاتی نان خواردن کەمی لێ بخورێتەوە ۰
دکتۆر کامەران رسوڵ ژاژڵەیی 
پسپۆڕی زانستی خۆراک  
ئەندامی پڕۆڤیشناڵی کۆلیژی ئەمریکی بۆ زانستی خۆراک