سەردێڕ:
سەرەکی  |   دەربارە  |   پەیوەندی  |  
زێدنیوز
کوردستان

شەپۆلێکی تری بارانبارین و تەرزە روو لە ھەرێمی کوردستان دەکات

زێد نیوز:

شارەزایەکی کەشناسی رایگەیاند "پێشبینی دەکرێت لە سبەینێوە (چوارشەممە) بەرێژەی جیاواز باران لەناوچەکانی ھەرێمی کوردستان ببارێت لەگەڵ چالاکبوونی ھەورەتریشقە و بارینی لێزمە باران و تەرزە".

ئەمڕۆ (سێشەممە، ٢٨ی تشرینی دووەمی ٢٠٢٢) ئاراس جەبار شارەزای کەشناسی لە بڵاوکراوەیەکدا لە ھەژماری خۆی لە فەیسبوک ئاماژەی بەوە کرد "ئاسمان و کەشی ئێستای ھەرێمی کوردستان لەژێر کاریگەری سەرەتای ھاتنی بارستە ھەوایەکی شێداری دەریای سوور بەزۆری ئاسمانی ناوچەکە گۆراوە بۆ ھەوری تەواو". 

دەشڵێت "لەکاتەکانی ئێستادا شەپۆلێکی بەھێزی تەرزە و بارانبارین ناوچە جیاجیاکانی باکوری رۆژئاوای سعودیە و ئوردنی گرتووە لەھەندێ ناوچەدا لافاو دروستبووە و تەرزەی قەبارە گەورەش باریوە و بەپێی کات باشوری رۆژئاوای عێراق دەگرێتەوە و لەکاتەکانی ئێوارەشدا ناوچەکانی ناوەراست و رۆژھەڵاتی سوریا بەشێوەیەکی چالاک دەگرێت کە خۆی لە ھەورە بروسکە بەھێز و تەرزە بارانی بەخوڕدا ئەبینێتەوە". 

ئەو شارەزایە روونیدەکاتەوە "سەبارەت بەناوچەکانی ھەرێمی کوردستان کاتەکانی شەو بۆ درەنگی شەو بارانبارین بەشێوەیەکی پچر پچر دەستپێدەکات کە چالاکی خێرای با لەگەلدا ئەبێت". 

دەشڵێت "سبەی چوارشەمەش ٣٠-١٢ کاریگەری ئەم دۆخە ناسەقامگیریە زیاد ئەبێت بەرێژەی جیاواز باران لەناوچەکاندا ئەبارێت لەگەڵ چالاکبوونی ھەورەتریشقە و بارینی لێزمە باران و تەرزە کە لە زانیاریەکانی پێشتردا باسمان کرد سنوری پارێزگای دھۆک و ناوچە شاخاویەکانی رێژەیەکی زیاتر بارانبارینی ئەبێت".



ئه‌م بابه‌ته   ‌ جار خوێندراوه‌ته‌وه‌
2022-11-29
زیاتر...


سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]