ئەمڕۆ (سێشەممە، ٢٩ی تشرینی دووەمی ٢٠٢٢) لە کەمپی کۆنی زانکۆی سلێمانی خوێندکارانی زانکۆی سلێمانی خۆپیشاندانیان ئەنجامدا و خوێندکاران داوای دەرماڵە و کەمکردنەوەی کرێی خوێندنی پارالێڵیان کرد. 

ھاوکات خوێندکارانی زانکۆی ڕاپەڕین بەردەوام بوون لە گردبوونەوە و بایکۆتی ھۆڵەکانی خوێندن و داوایان کرد کە دەرەماڵەی مانگانەیان بۆ خەرج بکرێت و کرێی خوێندنی پارالێلیش کەم بکرێتەوە.

ھەروەھا خوێندکارانی زانکۆی گەرمیان بە مەبەستی داواکردنی دەرماڵە گردبوونەوە. 

لەلایەکی ترەوە مامۆستایانی وانەبێژ لە سلێمانی و گەرمیان و راپەڕین گردبونەوە و داوای بەھەمیشەیکردنیان دەکرد.