سەردێڕ:
سەرەکی  |   دەربارە  |   پەیوەندی  |  
زێدنیوز
عێڕاق

راگەیەندراوێک لە چوارچێوەی ھەماھەنگییەوە لەدوای پەیامەکەی ئەمڕۆی سەدر

زێد نیوز:

دوای ئەوەی ئەمڕۆ(چوارشەممە)، موقتەدا سەدر، رێبەری رەوتی سەدر لە پەیامێکدا داوای لە دەسەڵاتی دادوەری کرد تا کۆتایی ھەفتەی داھاتوو پەرلەمان ھەڵبوەشێننەوە، چوارچێوەی ھەماھەنگی شیعەکان جەخت لە پەلەکردن لە یەکلاکردنەوەی کاندیدی سەرۆککۆمار و پێکھێنانی حکومەتی نوێ دەکاتەوە.

چوارچێوەی ھەماھەنگی، ئەمشەو (چوارشەممە)، لەدوای کۆبوونەوەی سەرکردەکانی، لە راگەیەندراوێکدا ئاماژەی بەوەدا کە لە کۆبوونەوەکەدا تاوتوێی رەوتی گفتوگۆکانی ئێستا لەگەڵ ھێزە نیشتمانییەکان کراوە بەمەبەستی پەلەکردن لە یەکلاکردنەوەی کاندیدی سەرۆک کۆمارو پێکھێنانی حکومەتێکی "خزمەتگوزار".

ئەوەشی خستۆتەڕوو، بەشدارانی کۆبونەوەکە دوپاتیان کردۆتەوە کە پێویستە رێز لە دامەزراوەکان لە پێشی ھەموویانەوە دەسەڵاتی دادوەری و پەرلەمان بگیرێت و ھەر جۆرە دەستدرێژییەک بۆ سەریان رەتبکرێتەوەو کارەکانیشیان پەک نەخرێن.

ھەروەک داواشی لە لایەنە سیاسییەکان کردووە پێکەوە کاربکەن بۆ بەردەامیدان بە گفتوگۆ بونیادنەرەکان بۆ گەیشتن بە چارەسەر بۆ قەیرانی ئێستا و پێکھێنانی حکومەت.

ھەروەھا داواشی لە ھاوڵاتیان کردووە پشتیوانی بکەن لە ھەنگاوە یاسایی و دەستورییەکانی پێکھێنانی حکومەت.


ئه‌م بابه‌ته   ‌ جار خوێندراوه‌ته‌وه‌
2022-08-10
زیاتر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]