سەردێڕ:
سەرەکی  |   دەربارە  |   پەیوەندی  |  
زێدنیوز
کوردستان

ئەژی ئەمین وەڵامی بافڵ تاڵەبانی دەداتەوە

زێد نیوز:

ئەژی ئەمین، وەڵامی قسەکانی ئەمڕۆی بافڵ تاڵەبانی، سەرۆکی یەکێتی دەداتەوەو دەڵێت، ئەگەر بەفەڕمی پۆزشی بۆ نەھێنێتەوە، سکاڵای لەسەر تۆماردەکات.

بافڵ تاڵەبانی، ئەمڕۆ(چوارشەممە) لە لێدوانێکدا رایگەیاند"سەلمان (ئەژی ئەمین) ھیچ پۆستێکی نییە، سەلمان رۆیشتووە، سەلمان ئێستا وابزانم لەناو پارتییە، لێرەیە لە ھەولێرە. برادەرانی پارتی حەقە زوو زوو نەسیحەتی بکەن، من وەختی خۆی کۆن کۆن بە پۆستاڵەکانم نەسیحەتم ئەکرد."

لەبەرامبەر ئەو قسانەی بافڵ تاڵەبانیدا، ئەژی ئەمین، ھەر ئەمڕۆ لە روونکردنەوەیەکدا رایگەیاند"بافڵ تاڵەبانی تەشھیری بە سەرۆکی دەزگای زانیاری و ڕاوێژکارێکی ئەنجومەنی ئاسایشی نیشتمانی کوردستان کردووە کە پلەی سەربازی لیوایە. بەڵام ئەگەر بەفەرمی پۆزش نەھێنێتەوە، ڕەنگە بەپێی یاسا بەرکارەکان لەگەڵ ئەو دۆخەدا بجوڵێینەوە و داوای یاسایی لەسەر تۆمار دەکەین."

دەقی رونکردنەوەکە: 

ڕوونکردنەوەیەک لە وتەبێژی نوسینگەی ڕاگەیاندنی سەرۆکایەتی ئاژانسی پاراستن و زانیاری/ زانیارییەوە، لەوەڵامی لێدوانەکانی ئەمڕۆی بافڵ تاڵەبانیدا بۆ ڕاگەیاندەکان: 

بافڵ تاڵەبانی ھەندێک لێدوانی نابەرپرسانەی بۆ کەناڵەکانی ڕاگەیاندنداوە، سەرباری ئەوەی کە باری دەروونی و شێوازی ھەڵسوکەوت و قسەکردنی دەریدەخات کە لە دۆخێکی دەروونی شەڵەژاودایە، بەڵام ئەو لێدوان و قسانەی ئەو بەڕوونی ئەوەمان پێدەڵێت کە دۆخی یەکێتی لەسایەی بەڕێزیاندا چەند شێواوە.  

لێرەدا دەمانەوێت چەند ڕاستییەک وەبیر ئەو و ھەڤاڵانمان لە دەزگای زانیاری و ئەنجومەنی ئاسایش بێنینەوە:  

١. بافڵ تاڵەبانی تەشھیری بە سەرۆکی دەزگای زانیاری و ڕاوێژکارێکی ئەنجومەنی ئاسایشی نیشتمانی کوردستان کردووە کە پلەی سەربازی لیوایە. ئێمە باری دەروونی نالەباری بافڵ تاڵەبانی ڕەچاو دەکەین، بەڵام ئەگەر بەفەرمی پۆزش نەھێنێتەوە، ڕەنگە بەپێی یاسا بەرکارەکان لەگەڵ ئەو دۆخەدا بجوڵێینەوە و داوای یاسایی لەسەر تۆمار دەکەین.  

٢. مامۆستا ئەژی ئەمین کە بافڵ تاڵەبانی باش دەیناسێت و وەکو خۆی دەڵێت "باشترین سەرۆکی دەزگای زانیارییە" و ئەگەرچی ئەوان بەوە زۆر قەڵسن، بەڵام لە پۆستەکەی خۆیدایە ھەر بەردەوامە.  

٣. لە وتەکانییەوە ئەوە دەردەکەوێت، ھەڤاڵان و بەرپرسانی یەکێتی بە پۆستاڵ  لێدەخوڕن، کە بەبڕوای ئێمە تەواوی کادیرانی حزبەکەی مام ئەم سوکایەتیە قبووڵ ناکەن و پێویستە لە سەر ئەوە ڕووبەڕووی سزا و لێپرسینەوە بکەنەوە.  



ئه‌م بابه‌ته   ‌ جار خوێندراوه‌ته‌وه‌
2022-08-10
زیاتر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]