سەردێڕ:
سەرەکی  |   دەربارە  |   پەیوەندی  |  
زێدنیوز
کوردستان

کەژاڵ ئەحمەدی شاعیر: ئاسایشی سلێمانی مۆبایلەکەیان بردم

زێد نیوز:

کەژاڵ ئەحمەدی شاعیر لە بڵاوکراوەیەکدا ئاماژە بەوە دەکات "ئاسایشی سلێمانی لەماڵی ئەوان و لەبەردەم دایکە نەخۆشەکەیدا برایەکیان گرتووە و مۆبایلەکەی ئەویشیان بردووە".

ئەمڕۆ (ھەینی، ٥ی ئابی ٢٠٢٢) کەژاڵ ئەحمەد شاعیری دیار لە بڵاوکراوەیەکدا ئاماژە بەوە دەکات "داوای ئازادکردنی تەھای برام لە ئاسایش ناکەم، ئەو ئامادەیە باجی بیرو بۆچوونی خۆی بدات، بەڵام بۆچی لەماڵی ئێمە و لەبەردەم دایکە نەخۆشەکەمدا دەیگرن؟".
دەشڵێت "ئەی بۆچی ڕێز لە ناو و ناوبانگی کەژاڵ ئەحمەد ناگرن و مۆبایلەکەی دەبەن؟ و پاسپۆرتی بەریتانیی بورھانی برام و منداڵەکانیتان بۆچی بردووە؟".
کەژاڵ ئەحمەد دەڵێت "ئاسایش بۆی ھەیە ئەرکی خۆی جێبەجێ بکات بەڵام شکاندنی شکۆی رەمزەکانی خەبات و حزبەکەی خۆتان شەرمەزارییە".
بڵاوکراوەکەی ئەو شاعیرە لە کاتێکدایە کە ئەمڕۆ (ھەینی) ھێزێکی ئەمنی تەھا ئەحمەد ئەندامی ئەنجومەنی باڵای جوڵانەوەی نەوەی نوێی دەستگیر کرد کە برای کەژاڵ ئەحمەد-ی شاعیرە.



ئه‌م بابه‌ته   ‌ جار خوێندراوه‌ته‌وه‌
2022-08-05
زیاتر...


سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]