سەردێڕ:
سەرەکی  |   دەربارە  |   پەیوەندی  |  
زێدنیوز
کوردستان

پەرلەمان راپۆرتێک لەبارەی پاشەکەوتی موچەو پلەبەرزکردنەوەی فەرمانبەران ئامادەدەکات

زێد نیوز:

سەرۆکی لیژنەی دارایی لە پەرلەمانی کوردستان ڕایگەیاند، ڕاپۆرتێکی گشتگیر ئامادەکراوە تایبەت بە چەند پرسێکی گرنگی پەیوەست بە مووچەخۆران و ھاووڵاتییان، دەشڵێت، پاشەکەوتی مووچە و پلەبەرزکردنەوە بڕگەیەکی سەرەکی ڕاپۆرتەکەیانە.

زیاد جەبار، سەرۆکی لیژنەی دارایی لە پەرلەمانی کوردستان لە فراکسیۆنی یەکێتی، ئەمڕۆ (ھەینی) بە میدیای حزبەکەی ڕاگەیاند، "لە لیژنەکەمان ڕاپۆرتێکی گشتگیر ئامادەکراوە کە چەند بڕگەیەکی گرنگ لە خۆدەگرێت، لەوانە دەستپێکردنەوەی پلەبەرزکردنەوەی فەرمانبەران کە ماوەی شەش ساڵە بەنایاسایی ڕاگیراوە و لەگەڵ نەبوونی یاسای بودجە کە ھەرێمی کوردستان ھەشت ساڵ زیاترە یاسای بودجەی نییە."

ئاماژەی بەوەشکردووە، حکومەت قەرزی لای مووچەخۆرانەو ماوەی چەند ساڵێکیش پاشەکەوت لەسەر مووچە کراوە بۆیە دەتوانرێت قەرزەکانی حکومەت لە مووچە پاشەکەوتکراوەکان بدرێنەوەو جۆرێک لە "مقاێە" لە نێوان قەرزەکاندا بکرێن.

سەرۆکی لیژنەی دارایی باسی لەوەشکردووە، ڕاپۆرتەکەیان ئامادەکردووەو سەرقاڵی ڕێکخستنەوەین و دواتر دەخرێتە بەردەم دەستەی سەرۆکایەتیی پەرلەمان بەمەبەستی بانگێشتکردنی وەزیری دارایی و ھەر کاتێک ئامادەی کۆبوونەوەی پەرلەمان بوو ئەوا ڕاپۆرتەکە تاووتوێ دەکرێت و بڕیاری لەبارەوە دەدرێت.  



ئه‌م بابه‌ته   ‌ جار خوێندراوه‌ته‌وه‌
2022-08-05
زیاتر...


سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]