عەلا جبوری، وەزیری بازرگانی عێراق راگەیەندراوێکی بڵاوکردەوە و تیایدا ئاماژە بەوە کراوە "ڕۆژی یەکشەممەی داھاتوو پێنجەم بەشەخۆراک لە سەبەتەی خۆراکی ساڵی ٢٠٢٢ دەگاتە بەغدا و پارێزگاکانی دیکە و لەرێگەی بریکارەکانەوە بەسەر ھاووڵاتیان دابەش دەکرێت".

جەختیشی کردەوە "ھەموو مادەکانی خۆراک بە تەواوی و بەبێ دواکەوتن و لە یەک کاتدا بەسەر ھاووڵاتییان دابەش دەکرێت". 

بەشی ھەر تاکێک لەو خۆراکەی کە دابەش دەکرێت بریتییە لە : شەکر- یەک کیلۆ گرام، زەیت- یەک دەبەی یەک لیتری، دۆشاوی تەماتە- یەک قوتوی ٤٠٠ گرامی، پاقلەمەنی- ٥٠٠ گرام، لەتکە نۆک- ٥٠٠ غرام، برنج- ٣ کیلۆگرام".