سەردێڕ:
سەرەکی  |   دەربارە  |   پەیوەندی  |  
زێدنیوز
ڕاپۆرت

وردەکاریی ئەو شەپۆلی سەرما و بەفربارینەى کە روو لە هەرێم دەکات.. لەکوێ و کوێ بەفر دەبارێت؟

زێد نیوز:

بەهۆی هاتنی نزمە پاڵەپەستۆ لەگەڵ بەرزبوونەوەی شێ لە هەوادا پێشبینی دەکرێت لە کاتەکانی بەرەبەیانی و نیوەڕۆی هەینی لە هەندێ ناوچەی باکوور و ڕۆژهەڵاتی هەر سێ پارێزگای هەولێر و سلێمانی و هەلەبجە و بەشێک لە باکوری پارێزگای دهۆک باران بارینی باش و مامناوەندی دەستپێبکاتەوە تاوەکو شەوی هەینی ناو بە ناو بەردەوام دەبێت.


بەگوێرەی پەیجی کەشوهەوای کوردستان "دواتر بەهۆی کاریگەریەکانی نزمەپاڵەپەستۆ لەگەل زیاتر چڕبوونەوەی بارستە هەورەکان لە کاتەکانی درەنگانی شەوی هەینی و بەرەبەیانی ڕۆژی شەممە لە گشت ناوچەکانمان ( هەولێر و سلێمانی و هەلەبجە و کەرکوک و دهۆک و ڕاپەڕین و گەرمیان و بادینان ) ئەگەری باران بارینی زۆر باش و بەهێز هەیە ، بروسکیشی لەگەڵ بێت". 

رونیشکراوەتەوە "کاریگەری ئەو شەپۆڵە تاوەکو درەنگانی شەوی شەممە و بەرەبەیانی ڕۆژی یەکشەممە بەردەوام دەبێت، وە هەندێجار بەشێوەیەکی کاتی باران بارین ڕادەوەستێت ".

سەبارەت بە شەپۆڵی بەفربارینی چڕ / هاتنی سەرمای توند و بەهێز :
لە کاتەکانی درەنگانی شەوی هەینی و بەرەبەیانی ڕۆژی شەممەوە لەشارە بەرزەکانی وەک حاجی ئۆمەران و کانی ماسی و پێنجوێن و چۆمان و ئامێدی و دەوروبەری شارە شاخاوییەکانی سۆران و رەواندز و شەقڵاوە و هیران و بەرزنجە و چوارتا و ماوەت و شێلادزێ و بارزان و شارباژێر و مێرگەسۆر و هتد ...ئەگەری بەفربارینی چڕ هەیە. 
کاریگەری ئەو شەپۆڵە بەفربارینە تاوەکو شەو و درەنگانی شەوی شەممە بەردەوام دەبێت. 

دواتر بەهۆی دابەزینی زیاتری بارستە هەوای سارد لە کاتەکانی شەو و درەنگانی شەوی شەممە لە شارەکانی ڕەواندز و سۆران و ماوەت و بەرزنجە و چوارتا و شەقڵاوە و هیران و خەلیفان و باتیفا و بارزان و شارباژێر و شێلادزێ و ئاکرێ و شاخەکانی دەوروبەری سلێمانی و دهۆک و هەلەبجە و ڕانیە و حاجیاوا و کۆیە و هەریر و کۆڕێ و خەلیفان و بەشێک لە زورگەکانی کەسنەزانی هەولێر ئەگەری بەفربارینی زۆر باش و مامناوەندی هەیە،کاریگەری شەپۆڵەکە تاوەکو بەرەبەیانی رۆژی یەکشەممە بەردەوام دەبێت. 

بەهۆی ئەوەی ناوچەکانمان دەکەوێتە ژێر کاریگەری چەقی بارستە هەوای سارد لە بەرەبەیانی یەکشەممەوە لە گشت ناوچەکانمان
شەپۆڵی سەرمای توند و بەهێز دەستپێدەکات و پلەی گەرمی بەشێوەیەکی بەرچاو دادەبەزێت. 

دوو تێبینی گرنگ هەیە :
تێبینی یەکەم /
لە شەوی هەینیەوە تاوەکو بەرەبەیانی یەکشەممە
ئەگەری ئەوە هەیە لە شارە شاخاوییەکان تاوەکو ناوچە سنوورییەکانی پارێزگاکانی هەولێر و سلێمانی و هەلەبجە و دهۆک ئەستووری بەفربارین بگاتە نێوان 20 سانتیمەتر تاوەکو 75 سانتیمەتر یاخود مەترێک ...

تێبینی دووەم /
بەهۆی خێرایی گۆڕانگاریەکانەوە
جارێ دیار نییە لە هەندێ کاتی نیوەڕۆ و عەسر و ئێواڕەی یەکشەممەوە لە سەنتەری شارەکانی تری هەولێر و سلێمانی و کەرکوک و دهۆک و هەلەبجە و رانیە و قەلادزێ و هەریر و کۆڕێ و سەنگەسەر و بازیان و قەرەداغ و کۆیە و چەمچەماڵ و سەنگاو و زاخۆ
شەپۆڵی بەفربارینی لاواز و کڕێوە بارین دەستپێدەکات یان نا ، ڕەنگە شەپۆڵەکە باشتر بێت ... 



ئه‌م بابه‌ته   ‌ جار خوێندراوه‌ته‌وه‌
2020-02-06
زیاتر...


سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]