سەردێڕ:
سەرەکی  |   دەربارە  |   پەیوەندی  |  
زێدنیوز
ڕاپۆرت

زانیاری لەبارەی ئەو فڕۆکە بێفڕۆکەوانەکەی کە قاسم سولەیمانی کوشت.. نرخەکەی چەندە؟

زێد نیوز:

بەکارهێنانی فڕۆکەی بێفڕۆکەوان یاخود درۆن بۆتە ئامڕازێکی سەرەکی لە ناوچەکانی ململانێ و شەڕ بەتایبەتی لە رۆژهەڵاتی ناوەڕاست

بەکارهێنانی فڕۆکەی بێفڕۆکەوان یاخود درۆن بۆتە ئامڕازێکی سەرەکی لە ناوچەکانی ململانێ و شەڕ بەتایبەتی لە رۆژهەڵاتی ناوەڕاست.


لەنوێترین ئۆپڕاسیۆنیشدا لەلایەن سوپای ئەمریکاوە لە کوشتنی قاسم سولەیمانی، فەرماندەی فەیلەقی قودسی ئێران و ئەبومەهدی موهەندیس، جێگری سەرۆکی دەستەی حەشدی شەعبی، بەکارهێنرا .

ئەمریکا چەندین جۆری لەو فڕۆکانە هەیە کە گرنگترینیان درۆنێکە بەناوی (ئێم کیو ناین-ریبەر)، کە ئۆپراسیۆنەکەی کوشتنی سولەیمانی لە نزیک فڕۆکەخانەی نێودەوڵەتی بەغدا، پێ جێبەجێکرا.

ئەو درۆنە چییە و لەچی پێکهاتووە: 

بەگوێرەی پۆڵێنکارییەکانی بەشی چەکە ئاسمانییەکانی ئەمریکا درۆنی(ئێم کیو ناین-ریبەر)، فڕۆکەیەکی چەکدارە کە لەتوانایدا هەیە چەند ئەرکێکی جیاواز جێبەجێ بکات و  دەتوانێت بۆ ماوەیەکی زۆر لە فڕیندا بێت. 

ئەو درۆنە لەتوانایدا هەیە بە پانتایی 1150 میل و بە بەرزی 50 هەزار پێ بفڕێت، واش دروستکراوە کە هێرشەکانی لە دورەوە جێبەجێ بکات.

خاوەن تواناییەکی گەورەی پێکانی ئامانجەکەیەتی بەشێوەیەکی رێکوپێک و ورد. 

 چەکی زۆر کاریگەریشی هەڵگرتووە و دەتوانێت بۆ ماوەیەکی زۆر مناوەرە بکات و خۆشی بپارێزێت.  

باڵه‌كه‌ی 66 پێ درێژه‌ و قورساییه‌كه‌ی 2227 كیلۆگرامە.

جگە لە هێرشکردن دەشتوانێت بە ئەرکی چاودێریکردن و کنە و پشکنین هەڵبسێت، هەروەها لە گەڕان و ئۆپراسیۆنی ئازادکردندا بەکاردەهێنرێت.  

درۆنەکە لە دورەوە لە رێگەی فڕۆکەوانێکەوە دەخرێتە کار ، تێچووی هەر دانەیەک بە نزیکەی 16 ملیۆن دۆلار مەزەندە دەکرێت.


هەتا مانگی سیپتەمبەری 2015 هێزە ئاسمانییەکانی ئەمریکا 93 درۆنی لەو جۆرەیان هەبووە ، لەگرنگترین سیما دیارەکانی ئەم درۆنە ئەوەیە کە دەنگی کەمە ، وەک بەڵگەیەک بۆ پیشکەوتنی گەورە لەبواری دروستکردنی درۆن دەهێنرێتەوە کە دەتوانرێت لە دورەوە بەکاربهێنرێت و هەڵسوڕێنرێت .

ئەمریکا لە راوەدونانی چەکدارانی داعش و تیرۆریستان لە ناوچە جیاوازەکانی جیهان ، بەتایبەتی لە عێراق و یەمەن و ئەفغانستان و سۆماڵ زۆر پشتی بە بەکارهێنانی درۆن بەستووە .

بەگوێرەی رۆژنامەی نیویۆرک تایمز، قاسم سولەیمانی و ئەبومەهدی موهەندیسیش لە عێراق بە بۆردومانی ئەو درۆنە کوژراوون. 

پەنتاگۆن لەبارەی کوشتنی سولەیمانی راگەیەندراوێکی بڵاوکردەوە و ئاماژەی بەوە کرد بە بڕیاری راستەوخۆی دۆناڵد ترەمپ، سوپای ئەمریکا و وەک کارێکی پاراستنی ئەمریکییەکان لە دەرەوە، کوشتنی قاسم سولەیمانی جێبەجێکردوە .

کوشتنی سولەیمانی و موهەندیسیش دوای تێپەڕینی چەند رۆژێک بوو بەسەر گردبوونەوەی لایەنگر و ئەندامانی حەشدی شەعبی لەبەردەم کونسوڵخانەی ئەمریکا لە بەغدا و هێرشکردن و هەڵکوتانە سەر باڵیۆزخانەکە و سوتاندنی بەشێک لەدیوارەکانی کە ئەو کارەش ئەمریکای زۆر توڕە و نیگەران کرد.  




ئه‌م بابه‌ته   ‌ جار خوێندراوه‌ته‌وه‌
2020-01-06
زیاتر...


سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]