سەردێڕ:
سەرەکی  |   دەربارە  |   پەیوەندی  |  
زێدنیوز
وتار

قەتەر و بازرگانەکانی کوردایەتی

هۆشیار عه‌بدوڵا
دەوڵەتی قەتەر زیاتر لە ۲۲٠ ملیار دۆلاری تەنھا لە ئامادەکاریەکانی جامی جیھانی تۆپی پێ سەرفکردوە، لە ھەمان کاتیشدا لەھەرچی قەرزی فەرمانبەران و ھاوڵاتیەکانییەتی خۆشبوە، موچەی فەرمانبەران و پارەی خانەنشینانیشی زیادکردوە! 

حکومەتی ئێکسپایەر بوی ھەرێمیش بەو ھەمو داھاتە نەوتی و نانەوتییەوە تازە دابەشکردنی موچەیەکی دواکەوتوو وەک دەستکەوت بڵاو دەکاتەوە، لوتی سەرۆک و بەرۆک و وەزیر و گزیرەکانیشی لە ئاسمانە! 

لە کاتێکدا لە دوای ۲٠٠۳ تا ئێستا ەوە لانیکەم زیاتر لە ۲٠٠ ملیار دۆلار  لە ژێردەستی بازرگانەکانی کوردایەتیدا بوە،  نەیانتوانی لەسەدا ۱٠ ی قەتەر لە ھیچ رویەکەوە بکەن. 

قەتەر دەوڵەتێکی بچکۆلەیە روبەرەکەی تەنھا (١١,٥٧١ km²)ە، بە میوانداری جامی جیھانی، ھەموو دوونیا سەرسام دەکا، دەسەڵاتدارانی ئێرەش بە دواخستنی ھەڵبژاردن، نمایشی میلیشیایی، دواخستنی مووچە، دزینی دەرماڵەی خوێندکار و  قەبەکردنی میدیای کەسی و حزبی و چەندین سینارێۆ و پیلانی پروپوچی تری رۆژانە خەریکی ململانێی تاکە کەسی و خێزانی و حزبین! 

۳٠ ساڵی ڕابردوو سەلماندی بازرگانەکانی کوردایەتی لە ھەمو ناحەز و نەیار و دوژمنێکیتری کورد مەترسیدارترن لەسەر ژیان و گوزەران و پێشکەوتنی ھەرێمی کوردستان.

11/21/2022 9:05:32 PM
بابەتەکانی تری نوسەر...


سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]