سەردێڕ:
سەرەکی  |   دەربارە  |   پەیوەندی  |  
زێدنیوز
وتار

ئایا مەسرور بارزانی دەتوانێت کێشەکان لەگەڵ بەغدا چارەسەر بکات؟

ئەژى کاروان
رۆژی ٢٣ی تەموزی ٢٠٢٢ مەسرور بارزانی سەرۆکی حکومەتی ھەرێمی کوردستان، سەردانی بەغدای کرد و لەگەڵ ھەریەکە لە مستەفا کازمی سەرۆک وەزیرانی عێراق و محەمەد حەلبوسی، سەرۆکی پەرلەمان و فائق زێدان سەرۆکی ئەنجومەنی باڵای دادوەریی عێراق لەبارەی کێشەکانی نێوان بەغدا و ھەولێرەوە کۆبووەوە.

سەرەتا دەبێت ئەوە بزانین کە دەستپێشخەرییەکەی کازمی لەوەڵامی نامەیەکی مەسرور بارزانیدا بوو بۆ جۆبایدن لەبارەی کێشەکانی بەغدا و ھەولێرەوە، بایدن بە کازمی وتووە کەکێشەکان لەگەڵ ھەرێمی کوردستان چارەسەر بکات.

مەسرور بارزانی، دوای ئەوەی گەیشتە بەغدا لە تویتێکدا دەڵێت "زۆر بابەت ھەیە گفتوگۆی لەسەر بکەین، نەخشەڕێگەی دەستووریمان ھەیە بۆ چارەسەرکردنی ئەو کێشانەی ١٧ ساڵە لە ئارادان،‌ چارەسەرکردنەکەش لە خزمەتی سەرتاسەری عێراقە، بە ھەرێمی کوردستانیشەوە".
سەردانی مەسرور بارزانی، سەرۆکی حکومەتی ھەرێم بەر لەھەرشتێ وەڵامدەرەوەی ئەو کەس و لایەنانەبوو کەپێیان وابوو مەسرور بارزانی ناچێتە بەغدا و شاندی بێ دەسەڵات لەبری خۆی دەنێرێت، ھەرچەندە مەسرور بارزانی پێشتر بەڕوونی وەڵامی ئەو تۆمەتەی دابووەوە و لەکۆنگرەیەکی رۆژنامەنوسیدا وتی "ھەرکات پێویست بکات دەچمە بەغدا".

پێشتریش زیاتر لە ٢٥ سەردانی شاندی ھەرێمی کوردستان ھەبووە بۆ بەغدا بۆ چارەسەرکردنی کێشەکانی نێوان بەغدا و ھەولێر، بەڵام کێشەکان تائێستا بەچارەسەر نەکراوی ماونەتەوە.
دوای بڕیارەکانی بەناو دادگای فیدراڵی و بەڕێنمونی و لەژێر سەرپەرشتی سوپای پاسداراندا دژی کەرتی وزەی ھەرێمی کوردستان، ھەرچەندە لەکاتی خۆیدا حکومەتی ھەرێم بەتوندی دژی بڕیارەکان وەستایەوە و ڕەتیکردەوە کەپابەندی بڕیارەکان ببێت.

سەرەڕای ھەڵوێستە ڕاشکاوەکان ھەرچوار سەرۆکایەتیەکەی کوردستان لەبارەی بڕیارەکانەوە، ئیتر کاتی ئەوەبوو، بارزانی کوڕ بچێتە بەغدا و دیبلۆماسیەتی خۆی بەکاربھێنێت بۆ چارەسەرکردنی کێشەکان و تێگەیاندن و پەیامی رونی حکومەت بگەیەنێتە بەرپرسانی عێراق کەچیتر ئەو زەمەنە بەسەرچوو، بتوانن جارێکی تر مەرکەزییەت بگەڕێننەوە بۆ عێراق و ھیچ حسابێ بۆ دەستور نەکەن و سیتمی فیدراڵی عێراق بنپێکەن.

روئیای حکومەتی ھەرێم لەبارەی چارەسەرکردنی کێشەکان نێوان بەغدا و ھەرێم ئاشکرایە، بەپێی زانیارییەکان مەسرور بارزانی لەکۆبونەوەی لەگەڵ بەرپرسانی عێراقدا ڕاشکاوانە وتویەتی 
دنیابینی مەسرور بارزانی، بۆ چارەسەری کێشەکانی نێوان ھەرێم و بەغدا تەواو نیشتیمانیانەیە، بەڵام کێشەی گەورەی بەرپرسە دەستڕۆیشتووەکانی عێراق ئەوەیە کەخاوەنی بڕیاری سیاسی خۆیان نین، کاتێ بڕیاری سیاسی بەدەستی خۆیان نەبێت، ئەو کێشانە ھەربەردەوام دەبێت.

ھەرچەندە ھێشتا دیارنییە، بەرھەمی سەردانەکەی مەسرور بارزانی چی دەبێت، بەڵام ئەوەی کە وەک ڕۆژی رووناک دیارە، ئەگەر کێشەکانیش چارەسەر نەبێت، یان دۆخەکە وەک ئێستا بەردەوامبێت، یاخود فشاری زیاتر و زیاتریش بکرێت، ئەوە مەسرور بارزانی و بنەماڵەی بارزانی وەک نمایندەی کوردستان ھەرگیز ئامادە نین، چۆک لەبەردەم عێراقدا دابدەن و بارزانی باوک گوتەنی "خۆ ناچەمێنن".

8/3/2022 10:38:12 PM
بابەتەکانی تری نوسەر...


سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]