سەردێڕ:
سەرەکی  |   دەربارە  |   پەیوەندی  |  
زێدنیوز
وتار

مافیای دەرمان، کێ بەرپرسیارە؟

ئاسۆ عەبدولەتیف
دەبێت پزیشکی باش و خاوەن سوێندی پزیشکیی و ئیتیکی بەرز، تێکەڵی ئەو مافیاگەرییەی کۆگاکانی دەرمان و بیزنسی ڕەشی عەیادەو نەخۆشخانەکان نەبێت و ڕێز لە یاسا بەرکارەکانیش بگرن. 

جوامێرانە بێتە بەرەی ھەژاران و قوربانییدەرانی دەرمان و خۆراکی ناتەندروست و بکۆشێت و خەباتی مەدەنی توندو ئەخلاقیی بکات و دەنگ ھەڵبڕێت لەو پاشاگەردانیی و سلوکە نزمەی ھەندێک پزیشک و نەخۆشخانەی ئەھلیی و لایەک ھەڵبژێرێت بۆ خزمەتی خەڵک و میللەتی خۆی.

ئاخر نامومکین و ناعەوڵانییە دوکتۆر بەیانی زوو لە زانکۆ بێت بۆ وانە وتنەوەو ڕاگرتنی پۆستە ئەکادیمییەکەی و چێشتەنگایەکی درەنگی نیوەڕۆ خۆی بکات بە خەستەخانەو بنکە حکومییەکەدا بۆ واژۆکەی و بینینی دوو نەخۆشی داماو، ئێوارەش بەو ھیلاکییە لە کلینیکە ڕاقییەکەی نەخۆش و خەستە ببینێت وەک بازرگانیی؟

ئەوە چ لۆژیکێکی پزیشکیی و ئەخلاقییە؟ بۆیە ھەندێک پزیشکی نابەرپرس و ھەڵتۆقیو، ناڵێم ھەمووی ! خەستەخانەیان کردۆتە بەردەبازو پرسگەیەک بۆ عەیادەکانی خۆیان و کە دەچییتە عەیادەکەشیان یەک ڕیز ڕەچەتەو بارێک عیلاجت بۆدەنوسن لە خراپترین کۆمپانیاو براندی تیجاریی و بەبێ ئەوەی نەخۆش ھەمووی بەکاربھێنێت و دەبێت لە دەرمانخانەکەی خۆشی بیکڕیت کە شەریک و شێرھۆڵدەریەتی.

6/11/2022 10:08:04 PM
بابەتەکانی تری نوسەر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]