سەردێڕ:
سەرەکی  |   دەربارە  |   پەیوەندی  |  
زێدنیوز
عێڕاق

سەدڕ و عەبادی داوای هەڵوەشاندنەوەی حکومەت و هەڵبژاردنی پێشوەختە دەکەن

زێد نیوز:

وەک پشتیوانییەک لە خۆپیشاندانەکانی شاری بەغدا و شارەکانی تری عێراق و ناڕەزایەتی بەرامبەر کوژران و بریندارکردنی خۆپیشاندەران، هەریەکە لە موقتەدا سەدڕ، رێبەری رەوتی سەدڕ و حەیدەر عەبادی، سەرۆکی هاوپەیمانی نەسڕ داوای هەڵوەشاندنەوەی حکومەتی عێراق و هەڵبژاردنی پێشوەختە دەکەن.


لەراگەیەندراوێکی نووسراودا، موقتەدا سەدڕ، رێبەری رەوتی سەدڕ داوای کرد ئەم کابینەیەی حکومەتی عێراق هەڵوەشێنرێتەوە و هەڵبژاردنێکی پێشوەختە ئەنجام بدرێت. 

سەدڕ لە راگەیەندراوەکەیدا بەپێویستیزانی هەڵبژاردنەکە بە چاودێری نەتەوە یەکگرتووەکان ئەنجام بدرێت. 

روونیشیکردەوە کە ئەوان ناتوانن لە ئاست خوێنڕشتنی هاووڵاتیانی عێراق و خۆپیشاندەران بێدەنگ بن. 

هاوکات لەدوای راگەیەندراوەکەی سەدڕ، حەیدەر عەبادی، سەرۆکی هاوپەیمانی نەسڕ و سەرۆک وەزیرانی پێشووی عێراق هەمان داوای سەدڕی دووپاتکردەوە و هەروەها داواشی کرد کاری ئەنجوومەنی پارێزگاکان سڕ بکرێت و دادگایەکی تایبەتمەند بە تاوانەکانی گەندەڵی دابمەزرێت. 

رۆژی (سێشەممە)ی رابردوو، خۆپیشاندان لە شارەکانی بەغدا، بەسرە، واست و نەجەف بەڕێوەچوو بەهۆیەوە ژمارەیەک کوژراو و برینداری لێکەوتەوە و دواتریش خۆپیشاندانەکان جگە لەو شارانە، شارەکانی کەرکوک و زیقار و زۆربەی شارەکانی دیکەی گرتەوە.



ئه‌م بابه‌ته   ‌ جار خوێندراوه‌ته‌وه‌
2019-10-05
زیاتر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]