سەردێڕ:
زێدنیوز
کوردستان

عه‌بدولستار مه‌جید: هه‌ر وه‌زیرێك ده‌ستبه‌كار بوو جگه‌ له‌ موچه‌كه‌ی سی هەزار دۆلاری وەک دیاری پێدەدرێت

زێد نیوز:

وه‌زیری پێشوی كشتوكاڵی حكومه‌تی هه‌رێمی كوردستان، ئاشكرای ده‌كات، له‌گه‌ڵ ده‌ستبه‌كاربوونی هه‌ر وه‌زیرێكی نوێدا جگه‌ له‌ موچه‌كه‌ی سی هه‌زار دۆلاری وه‌ك دیاری پێده‌درێت و مانگانه‌ش حه‌وت ملیۆن و پێنج سه‌د هه‌زار دیناری وه‌ك نه‌سریه‌ دراوه‌تێ.


عه‌بدولستار مه‌جید، وه‌زیری پێشوی كشتوكاڵی حكومه‌تی هه‌رێم له‌ هه‌ژماری خۆی له‌ فه‌یسبوك بڵاوی كرده‌وه‌، لە کابینەی هەشتەمدا بەندە وەزیری کشتوکاڵ بووم، ئێستا کە کابینەی نوێ دەستبەکاربووە، هاوشێوەی ڕابردوو بەفیڕۆدانی سامانی گشتیی لە بەرژەوەندی کەمینەیەک بەناوی (بەخشین و دیاریی)ـەوە ڕەنگە هەر بەردەوام بێت . 

عه‌بدولستار مه‌جید روونیده‌كاته‌وه‌، پێمخۆشە دوو نمونە باس بکەم کە لەسەردەمی وەزیری خۆمدا بووە و بە کردەیی ڕێگریم لە بەفیڕۆدان و تەخشان و پەخشانی سامانی گشتیی کردووە .

ده‌شڵێت، هەر وەزیرێک کە دەستبەکار دەبوو، بڕی (٣٠.٠٠٠) سی هەزار دۆلاری وەک (دیاری) پێدەدرا. 

جه‌ختیش ده‌كاته‌وه‌، بۆ هەر وەزیرێک بەناوی (نەسریە ـ مینحە)ەوە مانگانە جگە لە موچەکەی خۆی (٧.٥٠٠.٠٠٠) ی پێدەدرا .

ده‌قی نووسینه‌كه‌ی عه‌بدولستار مه‌جید: 


وەزیر بەخشین و دیاریی بۆچیە ؟ 

عەبدولستار مەجید 
وەزیری پێشوی کشتوکاڵ 

لە کابینەی هەشتەمدا بەندە وەزیری کشتوکاڵ بووم، ئێستا کە کابینەی نوێ دەستبەکاربووە، هاوشێوەی ڕابردوو بەفیڕۆدانی سامانی گشتیی لە بەرژەوەندی کەمینەیەک بەناوی (بەخشین و دیاریی)ـەوە ڕەنگە هەر بەردەوام بێت ...
پێمخۆشە دوو نمونە باس بکەم کە لەسەردەمی وەزیری خۆمدا بووە و بە کردەیی ڕێگریم لە بەفیڕۆدان و تەخشان و پەخشانی سامانی گشتیی کردووە .

یەکەم: هەر وەزیرێک کە دەستبەکار دەبوو، بڕی (٣٠.٠٠٠) سی هەزار دۆلاری وەک (دیاری) پێدەدرا، کاتێک سکرتێری بەڕێز به‌ڕێوه‌به‌ری نوسینگه‌ی به‌نده‌ پارەکەی هێنا و باسەکەی کرد، وتم "دەتوانم بیبەخشم بە خەڵک ؟" بەتایبەت کە قەیرانی دارایی سەریهەڵدابوو، موچەش دوو مانگ جارێک دابەشدەکرا .
وتیان " نەخێر ئەوە بۆ کڕینی پێداویستی ناوماڵە" منیش ڕۆژی دواتر پارەکەم گێڕایەوە و پێموتن من پێویستم بەوە نیە و وەرگرتنی ڕەتدەکەمەوە
برای به‌ڕێزم كاك عبدالرحمان عبدالرحیم یش به‌هه‌مان شێوه‌ .

دووەم: بۆ هەر وەزیرێک بەناوی (نەسریە ـ مینحە)ەوە مانگانە جگە لە موچەکەی خۆی (٧.٥٠٠.٠٠٠) ی پێدەدرا .
ئەوەندەی پەیوەندی بە منەوە هەبوو لێژنەیەکی سێ کەسیم لە وەزارەت دروستکرد بە سەرۆکایەتی بەڕێز بەڕێوەبەری ژمێریاریی و دوو ئەندامی دیکە .
ڕامسپاردن کە هەر فەرمانگەیەک پێداویستییەکی هەبوو داوایلێکردن لەو پارەیە بۆی بکڕن.
دیسان لەو مینحەیە هاوکاری سەدان کەسی هەژار و نەخۆش و پێشمەرگەمان کرد، لە هەمووی گرنگتر نەمهێشتووە هیچ فەرمانبەرێکم لەو کاتە سەختەدا پێویستی بە هیچ هەبێ، هەر بەو مینحەیە .

ئێستاش بەڵگەنامە و سەرجەم داتاکاکان لە وەزارەتن و هەر ڕۆژنامەنوسێک یان کەسێک بیەوێ وردەکاریی خەرجکردنەکە بزانێ، دەتوانێ بچێت و لە ژمێریاریی داوای بکات .

تێبینی: وردەکاریی خەرجکردنی مینحەکە لە وێنەکەدایە



ئه‌م بابه‌ته   ‌ جار خوێندراوه‌ته‌وه‌
2019-07-27
زیاتر...
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]