سەردێڕ:
سەرەکی  |   دەربارە  |   پەیوەندی  |  
زێدنیوز
جیهان

زیاتر لە سێ‌ مانگە، چارەنووسی بەلەمێكی كۆچبەران نادیارە

زێد نیوز:

رۆژنامەی هیندستان تایمز ڕاپۆرتێكی لەسەر دواهەمین زانیاری لەبارەی ئەو بەلەمە قاچاخەی كۆچبەران بڵاوكردەوە كە لە بەرواری 12 كانونی دووەمی ئەمساڵدا بەندەری كیرالای هیندستانی بەجێ‌ هێشتووە و تا ئێستاش چارەنوسی نادیارە.

ئەو بەلەمە كە دەیان كۆچبەری نایاسایی هەڵگرتبوو، پێدەچێت بەناو سنورە ئاوییەكانی نێوان ئیندۆنیسیا و ئوسترالیادا ڕۆیشتبێت كە لەوێش كەشوهەوای ناوچەكە زۆر دژوارە و بەبەردەوامی زریانە دەریاییە توندەكان بوونیان هەیە، كە بە گوێرەی ڕاپۆرتەكان ڕەنگە نقوم بووبێت. 

بەگوێرەی ووتەی كەسوكاری ئەو كۆچبەرانەش كە زۆرینەیان خەڵكی ناوچەی مادانگیری هیندستانن، ئەو كۆچبەرانە ویستویانە ڕوو لە نیوزلەندا بكەن. 

هەرچەندە كەسوكاری ئەو كۆچبەرانە دەڵێن كە هیچ زانیارییەكی نوێیان لەبارەی چارەنووسی كەسوكاریانەوە لە پۆلیسەوە پێنەگەیشتووە، بەڵام بەگوێرەی زانیارییەكانی ئەو ڕۆژنامەیە ، لەسەر داواكاری كەسوكاری ئەو كۆچبەرانە، بەدواداچوون بۆ كەیسەكە بەردەوامە.  



ئه‌م بابه‌ته   ‌ جار خوێندراوه‌ته‌وه‌
2019-05-05
زیاتر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]