سەردێڕ:
زێدنیوز
جیهان

فورات نیوز: محەمەد ئۆجەلان چاویكەوت بە عەبدوڵا ئۆجەلان

زێد نیوز:

ئاژانسی فورات نیوز بڵاوی كردەوە "ئەمڕۆ محەمەد ئۆجەلان برای عەبدوڵا ئۆجەلان ڕێبەری زیندانیكراوی پارتی كرێكارانی كوردستان (پەكەكە) سەردانی ئۆجەلانی كردوە و چاوی پێ كەوتوە".

محەمەد ئۆجەلان بە ئاژانسی فورات نیوزی وتوە "تەندروستی ئۆجەلان زۆر باش بوە و كێشەی نەبوە". 

لەبارەی دیدارەكەش پەروین بوڵدان، هاوسەرۆكی گشتی هەدەپە، رایگەیاندووە "ئەمڕۆ محەمەد ئۆجەلان برای ئۆجەلان چوەتە ئیمرالی و چاوی بە ئۆجەلان كەوتووە". 

وتووشیەتی "من دەمەوێت ئەوە دەستنیشان بكەم كە تەندروستی ئۆجەلان باشە و هەتا چەند ڕۆژێكی دیكە گەلەكەمان لەهەموو شتێك ئاگادار ئەكەینەوە".

بەپێی ئاژانسەكە "دواین چاوپێكەوتنی نێوان محەمەد ئۆجەلان و عەبدوڵا ئۆجەلان لە 11ی ئەیلولی 2016دابوو، لەو كاتەوە تاوەكو ئەمڕۆ، دەوڵەتی تورك ڕێگای بە هیچ یەكێك لە ئەندامانی بنەماڵەكەی نەدا سەردانی ئۆجەلان بكەن‌و هەروەها لە 27ی تەمموزی 2011وە ڕێگە بە دیداری عەبدوڵا ئۆجەلان لەگەڵ پارێزەرانی نەدراوە و تا ئێستا 780 جار داواكاریی پارێزەران بۆ سەردانی ئیمڕاڵی ڕەتكراوەتەوە".



ئه‌م بابه‌ته   ‌ جار خوێندراوه‌ته‌وه‌
2019-01-12
زیاتر...
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]