سەردێڕ:
زێدنیوز
جۆراوجۆر

چۆن رێگری لەبەستنی بۆری ئاوی ماڵەكانمان بگرین؟!

زێد نیوز:

ئا: ئەندازیار هێمن رەفیق

ساڵانە بەهۆی سەرمای زۆر لە ناوچەكانی هەرێمی كوردستان چەندین ماڵ و خێزان بەهۆی بەستنی بۆرییەكانیان توشی بێ ئاوی و تەقینی تانكی دەبنەوە، لێرەدا چەند رێگەیەك بۆ خۆپاراستن  وچارەسەركردن ئاماژە پێدەكەین .

ئەم ڕێگایانە دەگرینە بەر بۆ ئەوەی پێش دروستكردنی خانوو بۆرییەكان بپارێزین :

١.پێویستە هەموو بۆرییەكان كەمترین دەركەوتنیان هەبێت باشترە بەناو دیوارەكاندا بیگوازنەوە.
٢.ڕووپۆشی بۆرییەكان بەتەواوی بكرێن، تاوەكو بەدوور بن لە بەستن.
٣.هەموو جێگا دیارەكانی وەكو پەمپ و تانكی پەستان و بۆیلەر و لقە ئاسنەكانی دابپۆشرێت چوونكە سەرەتای بەستن لەو جێگایانەوە دەست پێدەكات.
٤.دروستكردنی چەرداخ بۆ ئەو پەمپ و تانكی پەستانەی كە هەیە.

دووهەم:كاتێك هەستمان كرد شەو بۆرییەكان دەیبەستێت ڕەچاوی ئەم خاڵانە دەكەین :
١.هەوڵبدە دەزوویەك"دڵۆپە پێكردن" ئاو لەناو بیناكەدا لەسەر بۆری ڕەیسی بكەیتەوە تاوەكو ڕێگر بێت لە سست بوونی جووڵەی گەردەكانی ئاو.
٢.بۆیلەرەكانتان هەڵبكەن و بەهەمان شێوە دەزوویەك" دروستكردنی دڵۆپە" لەسەر بۆیلەرەكە با كراوە بێت تاوەكو بەردەوام ئەو ڕێڕەوی بۆرییە ئاوی گەرمی تێدا بێت.
٣.ئەگەر ئاو ئاووی ناو ماڵەكانتان بكەنەوە زۆر باشترە "دڵۆپە پێكردن".
٤.بەخێرایی هەموو بەشەكانی بەستەری بۆرییەكان بە پەمپ و تانكییەوە دادەپۆشینن.
٥.بەستنی تیپی كارەبایی لە دەوری بۆرییەكە، لەڕێی ئەم تیپەوە بەردەوام بۆرییەكان بەگەرمی دەمێننەوە و نایان بەستێت.
٦.دەتوانیت شەو ئاوی ناو هەموو بۆرییەكان بەتاڵ بكەنەوە بۆ ئەوەی ئاو لەناو بۆرییەكاندا نەبێت بۆ بەستن، لەم حاڵەتەدا ئەگەر ئاوی ناو تانكی بیبەستێت لە دەمی دەرچوونەكەیەوە ئەگینا زەحمەتە بیبەستێت.
٧.یەكەم ئاماژەی بەستن كەمبوونەوەی ئاوە لە بەلوعەكان،ئەگەر هەستت پیكرد راستەوخۆ چەند بەلوعەیەك بكەرەوە با خێرا ئەو ئاوەی ئەیەوێت بەستن دروست بكات بڕوات.

سێهەم:ئەگەر بۆرییەكان بەستی چی بكەین :
١.هەوڵبدەن لە پلەی گەرمی مام ناوەندییەوە دەست بكەن پیاكردنی ئاوی گەرم بەسەر بۆرییەكاندا بكەن، بەهیچ جۆریك ئاوی زۆر گەرم مەكەن بەسەر بۆرییەكاندا چوونكە لەوانەیە بۆرییەكان تووشی تەقین بكات .
٢.دانانی هیتەرێكی كاتی لەناو تانكی سەرباندا تاوەكو ئاوی ناو تانكییەكە گەرم بێت و ووردە ووردە بەستنەكە خاو بێتەوە.
٣. بەكارهێنانای ئامێری وشك كەرەوە بۆ بۆرییەكان بەجۆرێك بەسەر بۆرییەكاندا بهێنن تاوەكو هاوكاربێت بۆ كردنەوەی بەستووی ناو بۆرییەكان.



ئه‌م بابه‌ته   ‌ جار خوێندراوه‌ته‌وه‌
2019-01-09
زیاتر...
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]