سەردێڕ:
سەرەکی  |   دەربارە  |   پەیوەندی  |  
زێدنیوز
ڕاپۆرت

وڵاتانی جیهان ملیارەها دۆلاریان بۆ بەرەنگاربوونەوەی کۆرۆنا تەرخان کردووە و لە کوردستان هیچ

زێد نیوز:

ڤایرۆسی کۆرۆنا بەردەوامە لە تەشەنەکردن و رۆژانە خەڵکی دیکە گیرۆدە دەکات و بەشێک لە توشبووان بەهۆی ئەو پەتا جیهانییەوە گیان لەدەست دەدەن.


ڤایرۆسەکە لە هەریەک لە وڵاتەکانی چین، ئیتاڵیا، ئێران، کۆریای خوارو، ئیسپانیا و ئەڵمانیا و فەڕەنسا و ئەمریکا بەربڵاوە و وڵاتە عەرەبییەکانیش ترسیان لێ نیشتووە و کەوتوونەتە خۆیان و بە ملیۆنەها دۆلار بۆ ئەم پەتایە تەرخان کراوە و خەرج دەکرێ، جگە لەو هاوکارییانەی کە لەلایەن بانکی نێودەوڵەتی و رێکخراوی نەتەوە یەکگرتووەکانەوە پێشکەش دەکرێت. 


لەو بارەیەوە دۆناڵد ترەمپ، سەرۆکی ئەمریکا بڕیاریدا بودجەیەکی تایبەتی بە بڕی 8,3 ملیار دۆلار تەرخان بکات تا بەرەنگاری ئەو دۆخە ناهەموارە بێتەوە کە بەرۆکی جیهان بەگشتی و ئەمریکای بەتایبەتی گرتووە

ئیتاڵیا بە وڵاتی دووەم دادەنرێ لە ڕیزبەندی ئەو وڵاتانەی کە توشری ڤایرۆسی کۆرۆنا بووە. 
ریشی سۆناک، وەزیری دارایی ئیتاڵیا رایگەیاند "نزیکەی 37 ملیۆن دۆلار تەرخان کراوە تا وڵاتەکەی لەم پەتایە ڕزگار بکات. 

هەروەها وڵاتی فەڕەنساش 4 ملیار دۆلاری تەرخان کردووە بۆ بنەبڕکردنی کۆرۆنا و هەرچی وڵاتی ئیسپانیایە ملیارێک یۆرۆی تەرخان کردووە بۆ هەمان مەبەست و هەروەها 2,8 ملیار یۆری داوەتە لێپرسراوی هەرێمەکان تا بتوانن خزمەتی زیاتر بکەن. 

هاوکات وڵاتی ئەڵمانیا ملیارێک یۆرۆی تەرخان کردووە بۆ پاڵپشتی بواری تەندروستی و پسپۆڕانی پزیشکی تا چارەسەرێک بۆ ئەم پەتایە بدۆزنەوە. 

وڵاتی چین کە سەرچاوەی دەرکەوتنی ڤایرۆسەکە بوو، یەکەمین وڵات بوو کە بودجەی تەرخان کرد بۆ لەناوبردنی ڤایرۆسەکە و بڕی 1,4 تریلیۆن و 173 ملیۆن دۆلاری بۆ ئەو مەبەستە تەرخان کرد. 

لەسەر ئاستی خۆرهەڵاتی ناوەڕاست و کەنداویش لە وڵاتانی ئیسلامی هیچ داتایەک لەبارەی تەرخانکردنی بودجەی تایبەت بۆ روبەڕوبونەوەی ڤایرۆسەکە رانەگەیەنراوە بەڵام داوای ٥ ملیار دۆلار لە بانکی نێودەوڵەتی کراوە و تائێستا بانکەکە وەڵامی نەبووە 

لەوڵاتی میسر کە دەیان حاڵەتی توشبوون بە ڤایرۆسەکە تۆمارکراوە بڕی 6,38 ملیار دۆلاری بەناوی پلانی گشتی بۆ بەرەنگاربوونەوەی ڤایرۆسی کۆرۆنا تەرخان کردووە. 

لەوڵاتی قەتەر 75 ملیار ریاڵ بەواتای 25 ملیار دۆلار تەرخانکراوە بۆ پاڵپشتی بواری تەندروستی و بەرەنگاربوونەوەی کۆرۆنا. 

لەوڵاتی کوەیت پارێزگاری بانکی ئەو وڵاتە تەرخانکردنی 33 ملیۆن دۆلاری بۆ بەرەنگاربوونەوەی ڤایرۆسی کۆرۆنا راگەیاند. 

لەوڵاتی سعودیەش 13 ملیار دۆلار بۆ قەڵاچۆکردنی پەتاکە تەرخان کراوە 

بەڵام تائێستا وڵاتانی بەحرەین و عومان بەڕەسمی هیچ بودجەیەکیان بۆ لەناوبردنی پەتاکە تەرخان نەکردووە

هەرچی بانکی نێودەوڵەتیشە ئاشکرای کرد"بڕی 15 ملیار دۆلاری داناوە بۆ یارمەتیدانی کتوپڕی ئەو وڵاتانەی کە هەژارن و لەشێوەی قەرزی بچوک و هاوکاری پارەیان دەدرێتێ بۆ روبەڕوبونەوەی ڤایرۆسەکە. 

لەگەڵ ئەوەی وڵاتانی جیهان و دەوروبەر بودجەیەکی باشیان بۆ بەرەنگاربونەوەی ڤایرۆسی کۆرۆنا تەرخان کردووە بەڵام لە هەرێمی کوردستان تا ئێستا حکومەتی هەرێمی کوردستان هیچ بودجەیەکی بەشێوەیەکی فەرمی بۆ بەرەنگاربونەوەی ئەم پەتایە رانەگەیاندووە و ئامادەکاریی و کاری بەرەنگاربوونەوەی ڤایرۆسەکە کەوتۆتە سەر شانی خێرخوازان و بەشێک لە سەرمایەدارەکانی کوردستان کە خۆیان لە شار و شارۆچکەکان دەستپێشخەری دروستکردنی نەخۆشخانەی تایبەت دەکەن، لەنموونەی دروستکردنی نەخۆشخانەی تایبەت لەشارەکانی سلێمانی و شارو شارۆچکەکان لەلایەن خێرخواز و چەند سەرمایەدارێک و دەستپێشخەری شاسوار عەبدولواحید، سەرۆکی جوڵانەوەی نەوەی نوێ بە تەرخانکردنی تاکە بارەگای پارتەکەیان و ئامادەکردنی نەخۆشخانەیەکی 100 قەڕەوێڵەیی بە تەواوی پێداویستییە پزیشکییەکان کە لەماوەی تەنها 48 کاتژمێردا جێبەجێکرا و لە ئێستادا ئامادەیە بۆ وەرگرتنی نەخۆش. 


ئه‌م بابه‌ته   ‌ جار خوێندراوه‌ته‌وه‌
2020-03-28
زیاتر...


سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]