سەردێڕ:
سەرەکی  |   دەربارە  |   پەیوەندی  |  
زێدنیوز
ڕاپۆرت

بۆچی رۆژی شەممە هەڵبژێردراوە بۆ خۆپیشاندانی سەرتاسەری؟

زێد نیوز:

زێد نیوز ئەو روداوە گرنگانە باس دەکات کە هاوکاتە لەگەڵ خۆپیشاندانە سەرتاسەرییەکەی رۆژی شەممە.


بڕیارە رۆژی شەممە (22ی شوبات) هاووڵاتیانی هەرێمی کوردستان لە شار و شارۆچکەکانی کوردستان دژ بە نەبوونی خزمەتگوزاری و نادادی و ستەمی دەسەڵاتدارانی هەرێمی کوردستان خۆپیشاندانی سەرتاسەری ئەنجام بدەن و لە بەدواداچونێکی زێد نیوز دەرکەوتووە کە ئەو بەروارەی بۆ ئەنجامدانی خۆپیشاندانە سەرتاسەرییەکەی هەرێم هەڵبژێردراوە لە مێژوودا هەڵگری چەند روداوێکی گرنگە لەسەر ئاستی جیهان و بەرواری 22ی شوباتی 2020 لە هەرێمی کوردستانیش دەبێتە مێژویەکی وەرچەرخان لە شکاندنی بێدەنگی هاووڵاتیانی کوردستان و سەرجەمی چین و توێژەکان. 

ئەمانە بەشێکن لەو روداوە گرنگانەی مێژوو کە لە ڕۆژی 22ی شوباتدا تۆمارکراوون: 



- ڕۆژی 22ی شوباتی ساڵی 1732، (جۆرج واشنتۆن) یەكەم سەرۆكی ویلایەتە یەكگرتووەكانی ئەمریكا لە دایك بووە كە ڕۆڵی سەرەكیی هەبووە لە دروستكردنی ویلایەتە یەكگرتووەكاندا.
- ڕۆژی 22ی شوباتی ساڵی 1788، فەیلەسوفی بەناوبانگی ئەڵمانی (ئارسەر شۆبنهاوەر) لە دایك بووە كە لە ماوەی ژیانیدا چەندین چەمكی فەلسەفیی داڕشتووە ‌و یەكێك بووە لەو كەسانەی بڕوای بە عەبەسییەت ‌و ڕەشبینی هەبووە ‌و هیچ بڕوایەكی بە هیوا ‌و ژیان نەبووە.

- ڕۆژی 22ی شوباتی ساڵی 1912، هێزەكانی (سالار دەولە) پەلاماری شاری كرماشانی خۆرهەڵاتی كوردستانیان دا ‌و دوای شەڕێكی سەخت دەستیان بەسەردا گرت.

- لە میانی ڕاپەڕین ‌و ناڕەزایەتییەكانی گەلی كورد بەرامبەر بە حكومەتی ئێران ‌و ئەو هەوڵانەی بۆ سەركوتكردنی موسڵمانەكان دەدرا، ڕۆژی 22ی شوباتی ساڵی 1918 فەرمانداری ورمێ‌ ‌و نوێنەرانی ئەمریكا ‌و ڕوسیا ‌و فەرەنسا كۆبوونەوە بە مەبەستی ئارامكردنەوەی شاری ورمێ‌، بەڵام بەهۆی ئەوەی نوێنەری كورد لەو كۆبوونەوەیەدا نەبوو هیچ ئەنجامێكی لێنەكەوتەوە بەو هۆیەوە شەڕێكی گەورە لە نێوان موسڵمان ‌و مەسیحییەكانی ورمێدا ڕوویدا.


- ڕۆژی 22ی شوباتی ساڵی 1943، (هۆرست كۆلەر)ی ڕاوێژكاری ئەڵمانیا لە دایك بووە كە یەكێكە لە سەركردە دیارەكانی ئەڵمانیا ‌و رۆڵی زۆری بینیوە لە پێشخستنی ئابوریی وڵاتەكەیدا.
- ڕۆژی 22ی شوباتی ساڵی 1944، وەفدێكی كورد سەردانی شاری بەغدایان كرد ‌و لەگەڵ بەرپرسانی عێراقدا كۆبوونەوە كە لە نێوان وەفدەكەی كوردا (مەلا مستەفای بارزان ‌و فەتاح ئاغای هەركی) هەبوون، ئامانج لە كۆبوونەوەكەش دۆزینەوەی ڕێگەچارەیەك بوو بۆ كۆتایهێنان بە كێشەی نێوان كوردی باشور ‌و دەوڵەتی عێراق.

- ڕۆژی 22ی شوباتی ساڵی 1958، كۆماری عەرەبی یەكگرتوو لە نێوان سوریا ‌و میسردا ڕاگەیەندرا كە تێیدا (شوكری قوەتلی) سەرۆكی سوریا سازشی بۆ (جەمال عەبدولناسر)ی سەرۆكی میسر كرد بەڵام پاش ماوەیەك یەكگرتنەكە هەڵوەشایەوە.

- ڕۆژی 22ی شوباتی ساڵی 1972، شێخ (خەلیفە بن حەمەد ئالسانی) كودەتایەكی سپیی بە سەر شێخ (ئەحمەد بن عەلی ئالسانی)ی ئامۆزایدا ئەنجامدا ‌و لە كورسیی دەسەڵاتی دوورخستەوە خۆیشی بووە میری نوێی قەتەر.

- ڕۆژی 22ی شوباتی ساڵی 1973، یەكەم زانكۆی حكومی لە میرنشینی قەتەر كرایەوە بە ناوی زانكۆی قەتەر.

- ڕۆژی 22ی شوباتی ساڵی 1974، كۆنگرەی لوتكەی وڵاتانی ئیسلامی لە شاری لاهوری پاكستان دەستی بە كارەكانی كرد كە تێیدا وڵاتانی ئەندام ڕەوشی جیهانیان تاووتوێ‌ كرد ‌و چەند پەیماننامەیەكی نێودەوڵەتییان بۆ وڵاتانی موسڵماننشین دەركرد.
- ڕۆژی 22ی شوباتی ساڵی 1986، وەزارەتی ناوخۆی ئیسپانیا مۆڵەتی كاركردنی دا بە پارتی دیموكراتی مەلیلی لە ناوچەكانی سیتە ‌و مەلیلی بۆ ئەوەی وەكو پارتێكی ڕەسمی كار و چالاكیی سیاسی ئەنجام بدات ‌و بەشدارییش لە هەڵبژاردنەكاندا بكات.

- بە هۆی ئەو پشێوییەی لە بیابانی خۆرئاوای مەراكشدا هەبوو، ڕۆژی 22ی شوباتی ساڵی 1990، ڕێكخراوی نەتەوەیەكگرتووەكان (جۆهانس مانز)ی وەكو نوێنەری نەتەوەیەكگرتووەكان ڕاسپارد بۆ ئەوەی سەردانی بیابانی خۆرئاوا بكات ‌و لە نزیكەوە لە بارودۆخی ناوچەكە بكۆڵێتەوە ‌و ڕاپۆرتێك لە بارەی ڕەوشی دانیشتوانی ئەو ناوچەیە بۆ كۆمەڵی نێودەوڵەتی بەرز بكاتەوە.

- ڕۆژی 22ی شوباتی ساڵی 2000، هونەرمەند ‌و دەرهێنەری ناوداری میسری (حوسامەدین مستەفا) كۆچی دوایی كردووە كە خزمەتێكی زۆری بە هونەری وڵاتەكەی كردوە.

- ڕۆژی 22ی شوباتی ساڵی 2003، ڕەوەندی كوردی لە سوید خۆپیشاندانێكی گەورەیان لە شاری ستۆكهۆڵمی پایتەخت ئەنجامدا ‌و تێیدا داوایان لە كۆمەڵگەی نێودەوڵەتی كرد هاوكاریی گەلانی عێراق بكەن بۆ كۆتایهێنان بە دەسەڵاتی شۆڤێنییانەی ڕژێمی بەعس. 



ئه‌م بابه‌ته   ‌ جار خوێندراوه‌ته‌وه‌
2020-02-28
زیاتر...


سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]