سەردێڕ:
سەرەکی  |   دەربارە  |   پەیوەندی  |  
زێدنیوز
کوردستان

شاسوار عەبدولواحید: دەرکەوت ئەم دەسەڵاتە تەنها لە زمانی فشار و جوڵەی جەماوەری و نارەزایەتی خەڵک تێدەگات

زێد نیوز:

سەرۆکی جوڵانەوەی نەوەی نوێ رایگەیاند، سبەینێ کات و شوێنی خۆپیشاندانەکان لەسەرتاسەری هەرێمی کوردستان رادەگەیەنن، ئاماژەی بەوەش کرد "دەرکەوت ئەم دەسەڵاتە تەنها لە زمانی فشار و جوڵەی جەماوەری و نارەزایەتی خەڵک تێدەگات".


شاسوار عەبدولواحید، سەرۆکی جوڵانەوەی نەوەی نوێ لە میانەی بڵاوکردنەوەی راگەیەندراوێکدا جەخت لەسەر ئەوە دەکاتەوە "دەرکەوت ئەو فشارانە نەبێت حکومەت و دەسەڵات وەڵامی خەڵک و گەنجان و دانەمەزراوان ناداتەوە". 

دەقی راگەیەندراوەکەی شاسوار عەبدولواحید، سەرۆکی جوڵانەوەی نەوەی نوێ: 



"سبەی کات و شوێنی خۆپیشاندانەکان دیاری دەکەین"


پێش هەمو شت حەز دەکەم پرسیارێکی زۆر سادە لە هاووڵاتیانی ئازیز و ڕۆژنامەنوسان بکەم، 

لە یەک رۆژدا ئەم لێدوانانە دراون:

- پەروەردە دەڵێت مامۆستایانی گرێبەست دادەمەزرێنین.

- تەندروستی دەڵێت فەرمانبەرانی کاتی دەکەین بە هەمیشەیی.

- وەزیری دارایی دەڵێت هەموو 30 رۆژ جاریک موچە دەدەین.

-کارەبا دەڵێت لە ئەمڕۆوە کارەبا باش بووە و هەندێک گەڕەک 18 کاتژمێر کارەبایان هەبووە.


پرسیارەکەم ئەمەیە، بەڕای ئێوە ئەم لێدوانانە سوتفەیە یان بە هۆی فشار و بانگەوازی خۆپیشاندانەکانەوەیە؟

دەرکەوت ئەم دەسەڵاتە تەنها لە زمانی فشار و جوڵەی جەماوەری و نارەزایەتی خەڵک تێدەگات.

بۆیە سبەی ئێوارە ئەم کاتانە کات و شوێنەکانی خۆپیشاندان ڕادەگەیەنین، چونکە دەرکەوت ئەو فشارانە نەبێت حکومەت و دەسەڵات وەڵامی خەڵک و گەنجان و دانەمەزراوان ناداتەوە. چاوەڕوان بن.

شاسوار عەبدولواحید 


ئه‌م بابه‌ته   ‌ جار خوێندراوه‌ته‌وه‌
2020-02-17
زیاتر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]