سەردێڕ:
سەرەکی  |   دەربارە  |   پەیوەندی  |  
زێدنیوز
ڕاپۆرت

بۆچی ناتۆرام گۆدیس غاندی کوشت؟

زێد نیوز:

مەهاتما غاندی لە 30 کانونی دووەمی 1948 لە تەلاری بێرلا لە نیودەلهی لەلایەن ناتۆرام گۆدیس کوژرا، کە یەکێک بوو لە ئەندامانی پارتی ماهاسابا.


مەهاتما غاندی بە باوکی هیندییەکان ناودەبرێت و لەپێناو ئازادیدا گیانی بەخت کرد. 

غاندی پیاوێکی لاواز و چاویلکە لەچاو بوو، خاولییەکی لۆکەشی بەسەر شانەوە بوو. نازناوی مەهاتمای پێدرا بەواتای گیانی گەورە. 

لەگەڵ توندوتیژیدا نەبوو و هزری ناتوندوتیژی چەسپاند بەڵام بەخراپی کوژراو.

ئەو پیاوەی کە غاندی کوشت ناوی ناتۆرام گۆدیس بوو، ئەو کوڕی پێنجەمی خێزانەکەی بوو هەر سێ براکەی تری لە ژیاندا نەمابوون و تەنها یەک خوشکی مابوو. 

دایک و باوکی لەو بڕوایەدابوون کە کوڕەکانیان بەنەفرەت کراوون، لەبەرئەوە بڕیاریان دابوو ناتۆرام وەک کچ گەورە و پەروەردە بکەن و بەو هۆیەوە تەنانەت بەگوێرەی داب و نەریتی هیندی لوتیشیان سمی. 

لەو بڕوایەدابوون کە ناتۆرام سروشی بۆ هاتووە و ئەبێت لەنێوان خواوەند و خێزانەکەیدا خزمەت بکات و تەنانەت لەگەورەبوونیشدا کاریگەر بوو بە بیروبۆچوونەکانی غاندی. 

پشتگیری ئەو بیرۆکەیەی دەکرد کە یارمەتی بەریتانیا داگیرکەرەکان نەدرێت، بەڵام کە خێزانەکەیان جوڵاند بەرەو راتنگێری ئەو بووە بەشێک لە بزوتنەوەی رادیکاڵەکان و هەر ئەو ساڵانەش پەیوەندی کرد بە رێکخراوی توندوتیژی ناسیۆنالیستەکانی هیندەوە کە یارمەتی (ڤینایاک دۆمادۆرس ساڤۆکار)ی لە پارتی راستڕەوی هیند دەدا.

ساڤۆکار داوای راپەڕینێکی چەکداری دەکرد دژی بەریتانیایەکان و ئەو دژی ئایدیاکانی غاندی بوو، لەکاتێکدا ئامانجی هەردووکیان سەربەخۆیی هیندستان بوو. 

بەڵام غاندی بانگەشەی ناتوندوتیژی و هاریکاری موسڵمانەکانی دەکرد لەکاتێکدا پشتگیری هەموو هۆکارێکی دەکرد بۆ تێکشکاندنی بەریتانییەکان. 

لەساڵی 1947 هیندستان سەربەخۆیی بەدەستهێنا و پاکستان بوو بە بەشێکی سەربەخۆ و داوای جیابوونەوەی کرد، جیابوونەوەکە ناسیۆنالیستەکانی توڕە کرد و ناتۆرام لەو بارەیەوە وتی"کێشە نییە ئەگەر داهاتومان وێران بێت بەڵام میللەتەکەمان لە پەلامار و شەڕی پاکستان رزگاری دەبێت". 

لە ساڵی 1948 غاندی سەردانی ناوچە کێشە لەسەرەکانی دەکرد و دەیویست چارەسەر و پێکەوەژیانێک لەنێوان هیندی و موسڵمانەکان بینێتە ئاراوە. 

لە 30ی کانوونی دووەمی ئەو ساڵەدا غاندی بەرەو ئەنجامدانی نوێژی بەیانی هەنگاوی دەنا بەڵام لەلایەن ناتۆرام گۆدیسەوە راگیرا. 

ناتۆرام بۆی چەمایەوە و چووە بەر پێی و لە هەستانەوەیدا دەمانچەکەی ئاراستەی غاندی کرد و سێ فیشەکی پێوەناو غاندی گیانی لەدەستدا و بکوژ دەستگیرکرا. 

گۆدیس لەلێکۆڵینەوەکاندا دانی بە تاوانەکەیدا نا و بڕیاری لەسێدارەدانی درا، 
کوڕەکانی غاندی ویستیان ناتۆرام لە مردن و لەسێدارە رزگار بکەن بەو پێیەی بڕیاری لەسێدارەدان و کوشتن پێچەوانەی بنەماکانی هزری غاندی بوو  بەڵام لەساڵی 1949 خۆیی و تاقمەکەی لەسێدارەدران. 



ئه‌م بابه‌ته   ‌ جار خوێندراوه‌ته‌وه‌
2020-02-07
زیاتر...


سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]