سەردێڕ:
سەرەکی  |   دەربارە  |   پەیوەندی  |  
زێدنیوز
جۆراوجۆر

سڵاوکردنێک خانمێک لە مردن رزگار دەکات

زێد نیوز:

خانمێک لە کارگەیەکی لەتکردن و هەڵگرتنی گۆشتدا کاری دەکرد.


ڕۆژێکیان پاش ئەوەی کارەکەی تەواو کرد ملینا بەرەو ئەو فرێزەرە گەورەیەی کە گۆشتەکانی تیا هەڵدەگرن. 
لەو ساتانە لە ژورەوە خەریکی هەڵواسین و دانانی گۆشتەکان بوو، لەبەدبەختی ئەو دەرگای فرێزەرەکە بێ ئەوەی کەس ئاگای لێ بێت داخرا. 
چەندە هاواری کرد بەڵام کەس گوێی لە دەنگ و گریانی نەبوو، کەس نەهات بە هانایەوە. 
ئەو ساتانە ساتەوەختی تەواوبوونی کاری رۆژانە بوو، کرێکارەکان کارگەکەیان جێدەهێشت هەریەک بەرەو ماڵەوە ملیدەنا. 

پێنج سەعات تێپەڕی بەتەنها لەناو فرێزەرەکەدا مایەوە، بێهیوا بوو، خەریک بوو دەیبەست. 

کەچی لەپڕ یەکێ لە پاسەوانەکان دەرگای فرێزەرەکەی واڵا کرد و بەهۆی ئەوەوە موعجیرە ئاسا لە مردن ڕزگاری بوو. 
کاتێ خانمەکە لە پاسەوانەکەی پرسی، چۆن چۆنی هاتی بۆ ئێرە لە کاتێکدا ئەمە کاری تۆ نییە؟ 
پاسەوانەکە لە وەڵامدا وتی : من 35 ساڵە لەم کارگەیەدا خزمەت دەکەم، رۆژانە بەسەدەها کرێکار دێن و دەڕۆن، بەڵام تۆ تاکە کەسێکی کە بەیانیان دێیت و بەڕوویەکی خۆشەوە بەیانی باش و سڵاوم لێ دەکەیت کە دەشڕۆیتەوە بەهەمان شێوە ماڵئاوایم لێدەکەیت. 

بەڵام ئەمڕۆ پاش ئەوەی هەموو کرێکارەکان کارگەکەیان جێهێشت سەرم سوڕما کە تۆم نەبینی و گوێم لەدەنگی تۆ نەبوو ماڵئاوایی بکەیت. بۆیە بڕیارمدا هەموو کارگەکە بەسەر بکەمەوە، بزانم بۆ دیار نەبویت و چیت بەسەر هاتووە. 

لەبەرئەوە لە هەر شوێنێک بویت لە ژیاندا سادە و خاکی بە. رێز لە هەموو کەس بگرە. 

سڵاو لە هەمووان بکە، چونکە تۆ نازانی لە هەگبەی سبەینێدا خوای گەورە چی بۆ داناوی و چی چاوەڕێت دەکات. 



ئه‌م بابه‌ته   ‌ جار خوێندراوه‌ته‌وه‌
2020-02-07
زیاتر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]