سەردێڕ:
سەرەکی  |   دەربارە  |   پەیوەندی  |  
زێدنیوز
ڕاپۆرت

ئەمریکا چەند بنکەی سەربازی لە عێراق هەیە؟

زێد نیوز:

لەدوای کوژرانی قاسم سولەیمانی، فەرماندەی گشتی فەیلەقی قودسی ئێران لەلایەن ئەمریکاوە و هەڕەشەی تۆڵەکردنەوەی ئێران لە ئەمریکا، بنکە سەربازییەکانی ئەمریکا لە عێراق بوونەتە شوێنی هەڕەشەی ئێران و بەئامانجگرتنیان.

هێزەکانی ئەمریکا لە عێراق چەندین بنکەی سەربازییان هەیە و بوونی ئەو هێزانە بۆ  داگیرکاری عێراق لە ساڵی 2003 لەلایەن ئەمریکا دەگەڕێتەوە، بەڵام لە ساڵی 2011 بە بڕیارێکی باراک ئۆباما، سەرۆکی ئەمریکا پاشەکشە بە هێزەکانی ئەو وڵاتە کرا و جارێکی تر و لەسەروەختی دەرکەوتنی رێکخراوی داعش لە عێراق لە ناوەڕاستی ساڵی 2014 دووبارە هێزەکانی ئەمریکا گەڕانەوە بۆ عێراق. 
لەگەڵ هەڵکشانی گرژی و ئاڵۆزییەکانی نێوان ئەمریکا و ئێران لەناوخۆی عێراق و بۆردومانکردنی بنکە سەربازییەکانی ئەمریکا لەلایەن ملیشیاکانی ئێران لە عێراق  و هەڵکوتانە سەر باڵیۆزخانەی ئەمریکا لە بەغدا و کوژرانی قاسم سولەیمانی و مەهدی موهەندیس، پەرلەمانی عێراق بریاریدا هێزە بیانیەکان لەنێویاندا هێزەکانی ئەمریکا لە عێراق بکرێنە دەرەوە و داوای بەجێهێشتنی عێراقیان لێ بکرێت. 

هێزەکانی ئەمریکا لە عێراق چەندین بنکەی سەربازییان لە باشوری عێراق و هەرێمی کوردستان هەیە و لەگرژییەکانی ئەمدواییەی ئەمریکا و ئێران چەند بنکەیەکی سەربازی ئەو وڵاتە کەوتە بەر پەلاماردان و موشەک بارانکردن. 

ئەمریکا لە فڕۆکەخانەی گەیارەی سەربازی لە باشوری شاری موسڵ گەورەترین بنکەی سەربازی هەیە. 

لە شاری کەرکوک بنکەیەکی سەربازی بەناوی رینج هەیە کە سەربازگەیەکی نمونەییە بۆ راهێنان و مەشقکردن، هەروەها بنکەیەکی سەربازی لە ئاڵتون کۆپری سەر بە پارێزگای کەرکوک. 
  

لەهەرێمی کوردستان، دوو بنکەی سەربازی هەیە لە نزیک شەنگال و ناوچەکانی ئەتروش و حەریر و دوو بنکەی سەربازیشی لە شاری هەڵەبجە هەیە نزیک سنوری ئێران. 

لەشاری ئەنبار دوو بنکەی سەربازی هەیە بەناوەکانی عەین ئەسەد و حەبانیە. 

بنکەیەکی سەربازی لە تاجی لە باکوری بەغدا و هێزێکی سەربازی ئەمریکای تێدایە بۆ راهێنان و مەشقپێکردن. 

بنکەی سەربازی فیکتۆری لەناو فڕۆکەخانەی بەغدا. 

بنکەی بەلەدی ئاسمانی کە دەکەوێتە شاری سەڵاحەدین و سەرپەرشتی فڕینی فڕۆکەکانی ئێف 16 دەکات.
بەگوێرەی میدیا عێراقییەکانیش لەبارەی ژمارەی هێزەکانی ئەمریکا لەعێراق، 6132 سەربازی ئەمریکی لە عێراق بە پلەی راویژکار و راهێنەر و پاڵپشتی هێزی ئاسمانی بوونیان هەیە. 


ئه‌م بابه‌ته   ‌ جار خوێندراوه‌ته‌وه‌
2020-02-07
زیاتر...


سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]