سەردێڕ:
سەرەکی  |   دەربارە  |   پەیوەندی  |  
زێدنیوز
کوردستان

شاسوار عەبدولواحید: ئەوەی درۆ لەگەڵ خودا و میلەت و دەنگدەران بکات لە جوڵانەوەی نەوەی نوێ جێی نابێتەوە

زێد نیوز:

سەرۆکی جوڵانەوەی نەوەی نوێ رایگەیاند "بابەتی خانەنشینی پلە باڵاکان یەکێک بوو لەو خاڵانەی بانگەشەی نەوەی نوێ کە بەردەوام رەتی دەکردەوە و باسمان دەکرد".


شاسوار عەبدولواحید، سەرۆکی جوڵانەوەی نەوەی نوێ ئاماژەی بەوە کرد "هەندێک وا دەزانن ئەم بابەتی خانەنشینی پلە باڵایانە، ئێمە ئێستا دەیوروژێنین، بەڵام وا نییە!!".

رونیدەکاتەوە "لە بەرواری 15ی ئابی 2018، هەموو کاندیدەکانی لیستی نەوەی نوێ بەڵێننامەیان پێ واژۆ کرا و یەکێک لەو خاڵانەی کە بەڵێنیاندا و دواتریش سوێندیان خوارد، رەتکردنەوەی موچەی خانەنشینی بوو.

سەرۆکی جوڵانەوەی نەوەی نوێ جەختدەکاتەوە "ئەوەی درۆ لەگەڵ خودا، لەگەڵ میللەت، لەگەڵ دەنگدەران، لەگەڵ ئێمە بکات، ئەوا لەم جوڵانەوەیەدا جێی نابێتەوەو شوێنی زبڵدانی مێژوو دەبێت،نەک جوڵانەوەیەکی خاوەن ئەخلاق و خاوەن پرەنسیپ".

ئاماژە بەوەش دەکات "گرنگ ئەوەیە ئێمە و جوڵانەوەکە و فراکسیۆنەکە، راستگۆبوین لەگەڵ هاوڵاتییان و دەنگدەراندا. دڵنیاتان دەکەینەوە کە بەردەوام دەبین لەسەر ئەم ڕێگایە".


ئه‌م بابه‌ته   ‌ جار خوێندراوه‌ته‌وه‌
2020-01-16
زیاتر...


سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]