سەردێڕ:
سەرەکی  |   دەربارە  |   پەیوەندی  |  
زێدنیوز
کوردستان

هەدەپە: سەڵاحەدین دەمیرتاش ڕەوانەی نەخۆشخانە کرا

زێد نیوز:

پارتی دیموکراتی گەلان (هەدەپە) راگەیەندراوێکی لەبارەی تێکچوونی دۆخی تەندروستی سەڵاحەدین دەمیرتاش، هاوسەرۆکی پێشووی پارتەکە بڵاوکردەوە و ئاماژەی بەوە کرد دەمیرتاش رەوانەی نەخۆشخانە کراوە.


لە راگەیەندراوی هەدەپەدا ئاماژە بەوە کراوە "هاوسەرۆكی پێشوی ( هەدەپە) بەمەبەستی وەرگرتنی چارەسەر رەوانەی نەخۆشخانە كرا".

 لەراگەیەندراوەکەی هەدەپەدا روونکراوەتەوە "ئەمرۆ لەدوای رێکخسنی چاوپێکەوتنێک لەگەڵ دەمیرتاش و چەند ئەندامێکی هەدەپە و پزیشکە تایبەتەکەی دەمیرتاش، بڕیاردراوە بە گواستنەوەی ناوبراو بۆ نەخۆشخانە بە مەبەستی وەرگرتنی چارەسەر و پشکنینی پێویست". 

هەدەپە داوا لە حکومەتی ئاکەپە و وەزارەتی دادی تورکیا کرد راگەیەندراوێکی بەپەلە سەبارەت بە دۆخی تەندروستی دەمیرتاش بڵاوبکەنەوە. 

هاوکات خوشکێکی سەڵاحەدین دەمیرتاش لەبارەی دۆخی تەندروستی براکەی وتوویەتی " لە 26ی مانگی رابردوەوە دەمیرتاش بە هۆکاری تەنگە نەفەسی و سنگ ئێشە بۆ ماوەی چەند کاتژمێرێک لە هۆش خۆی چووە، جگە لە ئەنجامدانی هێڵکاری دڵ هیچ پشکنین و چارەسەرێکی دیکەی بۆ ئەنجام نەدراوە".


ئه‌م بابه‌ته   ‌ جار خوێندراوه‌ته‌وه‌
2019-12-02
زیاتر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]