سەردێڕ:
سەرەکی  |   دەربارە  |   پەیوەندی  |  
زێدنیوز
ڕاپۆرت

بەشێک لەسەرکردەکانی کوردستان و عێراق بۆ وەرگرتنی سۆسیال لە وڵاتانی ئەوروپا وەک نەخۆش و پەککەوتە خۆیان تۆمارکردووە

زێد نیوز:

ڕۆژنامەی (نیهیتەریداگ)ی سویدی بڵاویكردەوە، نەجاح شەمەری، وەزیری بەرگری عێراق خاوەنی ڕەگەزنامەی سویدییە و لە شاری ستوكهۆڵمی سوید وەك نەخۆشێك تۆماركراوە كە توانای كاركردنی نییە و حكومەت بەخێوی دەكات و لە ساڵی 2015دا تێوەگلاوە بە ساختەكاری لەو بەڵگەنامانەی كە تایبەتن بە دابینكردنی بیمەی تەندروستی لەو وڵاتە.


ڕۆژنامەكە لەبارەی نەجاح شەمەری وەزیری بەرگریی عێراقەوە دەڵێت، شەمەری لە ساڵی ٢٠٠٩دا هاتووەتە سوید و لە ساڵی ٢٠١٥دا ڕەگەزنامەی ئەو وڵاتەی وەرگرتووە. 


بەگوێرەی رۆژنامەکە، شەمەری لە چاوپێکەوتنەکەیدا بۆ وەرگرتنی مافی پەنابەرێتی وتویەتی، نەخۆشی دەرونیم هەیە و مێشکم تەواو نییە بۆ سەلماندنی ئەوەش شەوان چووەتە سەر شەقامەکان زۆر درەنگ چووەتەوە ماڵەوە.



هەرچەندە شەمەری لە وڵاتی سوید بە کەسێکی نەخۆش و بیرکۆڵ لە قەڵەمدراوە، بەڵام لە سەرەتای مانگی تەموزی ئەمساڵدا، لە کابینەکەی عادل عەبدولمەهدی، پۆستی وەزیری بەرگری عێراقی پێدرا.


نەجاح شەمەری لە ساڵی 1967 لە ناوچەی ئەعزەمیەی بەغدا لەدایک بووە، خاوەنی بڕوانامەی بەکالۆریۆسە لە زانستی سەربازی و ماستەریشی لە پلاندانانی سەربازیدا هەیە.

ناوبراو پێشتر و لە سەردەمی ڕژێمی بەعسدا ئەفسەر بووە و لە ساڵی 2003ەشەوە چەندین پلە و پۆستی سەربازی جیاوازی وەرگرتووە. 

دۆسیەی خۆناساندنی بەرپرسان لە وڵاتانی ئەوروپا وەک کەسی نەخۆش و پەککەوتە بە ئامانجی وەرگرتنی مافی پەنابەرێتی و وەرگرتنی سۆسیال و خۆدزینەوە لەباج مێژوویەکی دێرینی هەیە و لە ساڵی 2009دا رۆژنامەیەکی دانیمارکی دۆسیەی شەش بەرپرسی کورد و عێراقی بڵاوکردەوە کە لەو وڵاتە خۆیان وەک نەخۆش ناساندووە و سۆسیالیان وەرگرتووە و باجیان نەداوە. 

بەگوێرەی ماڵپەری ئیكسترا بلادتی دانیمارکی شەش بەرپرسی کورد و عێراقی فێڵیان لە حکومەتی ئەو وڵاتە کردووە و خۆیان وەک نەخۆش ناساندووە بۆ ئەوەی بەخێوبکرێن. 

ماڵپەرەکە وێنەی چوار لەو کەسانەی بڵاوکردۆتەوە کە دووانیان ئەندامی پێشووی پەرلەمانی کوردستان بوون و یەکێکیان سکرتێری حزبێکی چەپی کوردستان بووە. 

ماڵپەرەکە ناوی ئەو بەرپرسانەی بڵاوکردۆتەوە کە بریتی بوون لە (ب. ع. م) ئەندامی پێشوی پەرلەمانی كوردستان كە بەدرۆو ساختەچیەتی توانیویەتی خۆی و خێزانەكەی ببن بە خانەنشینی پێشوەخت. دووەم (ت.خ) ئەندامی پێشوی پەرلەمانی كوردستان كە ئەویش بەساختەچیەتی بەناوی ئەوەی گوایە مێشكی تەواو نیەو شێتە، بووە بەخانەنشینی پێشوەخت. سێیەم (ملازم ف.ج) كە پێشتر لەكوردستان بە پلەی لیوا خانەنشین كراوە، بەهەمان كێشەی ئەقڵ و ناتەواوی و شێتی لە دانیماركیش توانیوویەتی بببێتە خانەنشینی پێشوەخت، چوارەم (س. ف) ئەندام پەرلەمانی عێراق بووە، ئەویش بەهەمان فڕوفێڵ خۆی كردووە بە خانەنشینی پێشوەخت. 



ئه‌م بابه‌ته   ‌ جار خوێندراوه‌ته‌وه‌
2019-12-01
زیاتر...
123
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]