سەردێڕ:
سەرەکی  |   دەربارە  |   پەیوەندی  |  
زێدنیوز
عێڕاق

رۆژنامەنووسێک: دوێنێ شەو سێ وەزیری کابینەکەی عادل عەبدولمەهدی ھەڵاتن و گەیشتنە ھەولێر

زێد نیوز:

رۆژنامەنووسێکی کورد ئاماژە بەوە دەکات بەهۆی گرژییەکانی بەغداو خۆپیشاندان و گردبوونەوە ناڕەزایەتییەکان شەوی رابردوو سێ وەزیری کابینەکەی عادل عەبدولمەهدی، سەرۆک وەزیرانی عێراق هەڵاتوون و گەیشتوونەتە شاری هەولێر.


رۆژنامەنووس دڵشاد مەجید لە هەژماری خۆی لە فەیسبوک نووسیویەتی "دوێنێ شەو گفتوگۆکان بەو ئاراستەیە بوو ، کە عادل عبدالمھدی دەست لەکاربکشێتەوە.. و داوای لێکرا کە ئەم ھەنگاوە بنێ .. بەڵام مەرجی عادل عبدالمھدی ئەوەبوو، کەھەرسێ سەرۆکایەتیە پێکەوە دەست لەکار بکشێننەوە". 

روونیشیدەکاتەوە "کەئەمە نەکرا.. عادل بۆ تۆڵەسەندنەوە لەپەرلەمان ھەڕەشەی ڕێگەپێدانی خۆپشاندەرانی بۆ ناوچەی سەوز کرد.. مەبەستی ئەوەبوو کەدوای ھاتنی خۆپشاندەران بۆ ناو پەرلەمان و مانگرتنیان لەناو پەرلەمان.. پەرلەمانیش لەکار بکەوێت". 

دڵشاد مەجید ئاماژە بەوە دەکات "بۆیە لەترسی ئەو ھەڕەشەیە ھەرچی وەزیرو ئەندام پەرلەمان و کاربەدەستانی حکومەت ھەیە ناوچەی سەوزیان بەجێھێشت.. بەو شەوە مەلابەشیرو سەرۆکایەتی کۆمار تەلەفۆنیان بۆیەکە یەکەی ئەندام پەرلەمانانەکانی کورد کردووە.. کەبەزووترین کات خۆیان بگەیەننە فرۆکەخانەی بەغدا و بەرەو ھەولێر بەڕێبکەون". 

جەختیشدەکاتەوە، ئەوەبوو سەعات ٢/٢٠ ی شەو فرۆکەکە گەیشتنە فرۆکەخانەی ھەولێر.. جگە لەزۆربەی پەرلەمانتارە کوردەکان ھەندێ پەرلەمانتاری سونەش ھاتبوون.. ھەروەھا سێ وەزیریشیان لەگەل بوو. 

بەگوێرەی وتەی ئەو رۆژنامەنووسە هەریەک لە فوئاد حوسێن، وەزیری دارایی، پامر غەزبان، وەزیری نەوت ، ھەروەھا دکتور نوری صباح الدلیمی وەزیری پلاندانان و  چوار بریکاری وەزیری وەزارەکانیانیشیان لەگەڵ بووە و گەڕاونەتەوە بۆ شاری هەولێر. 


روونیشیدەکاتەوە "دەنگۆیەک ھەیە کەئەم چۆڵکردنەی بەغدا ، پیلانێکە لەنێوان پارتی و عادل عەبدولمەهدی و سەرۆککۆمار و کوتلەی فەتح .. تا بۆ ئەمرۆ (پێنجشەممە) پەرلەمان نەتوانێ دابنیشێ و ( نصاب) تەواو نەبێ . بۆ وەرگرتنەوەی متمانە لە عادل عبدالمھدی". 


ئه‌م بابه‌ته   ‌ جار خوێندراوه‌ته‌وه‌
2019-10-31
زیاتر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]