سەردێڕ:
سەرەکی  |   دەربارە  |   پەیوەندی  |  
زێدنیوز
کوردستان

تورکیا؛ بەهۆی قسەکردن بە زمانی کوردی پیاوێکی کورد خەڵتانی خوێن کرا

زێد نیوز:

پیاوێکی تەمەن 74 ساڵ بەناوی ئەکرەم یاشلی لە یەکێک لە نەخۆشخانەکانی تورکیا و بەهۆی ئەوەی بە زمانی کوردی قسەی کرد لەلایەن هاوەڵی نەخۆشێکەوە کە تورک بوو، بە شوشەی ساردی هێرشی کرایە سەر و سەری شکێنرا و بریندار کرا .

 
ئەکرەم یاشڵی، بە مەبەستی ئەنجامدانی نەشتەرگەریی چاو لەگەڵ هاوژینەکەی چوونەتە نەخۆشخانەیەک و لەگەڵ هاوژینەکەی کە تورکی نازانێ، بە زمانی کوردی قسەی کردووە و یەکێک لە هاوەڵی ئەو نەخۆشانەی هاوژووری ئەکرەم بووە، وتویەتی: "ئێرە دەوڵەتی کۆماری تورکیایە و بڕۆ دەرەوە لەم ژوورە" و بە شوشەی ساردی هێرشی کردۆتە سەری و سەری شکاندووە.
 
لەبارەی رووداوەکە، پەرلەمانتارێکی ئاکپارتی پەیامێکی بە زمانی کوردی بڵاوکردەوە و تیایدا دەڵێت :"خوا شیفای مامەی من بدات. رێز و حورمەتم هەیە بۆت و دەستت ماچدەکەم". 
 
هاوکات بە زمانی تورکی نووسیویەتی: "هێرشکردنە سەر کەسێک کە لە تەمەنی باپیرەیدایە و شایستەی رێزە، بەدبەختی و وەحشیگەرییە. هەروەک خۆشەویستمان دەفەرمووێ؛ ئەوەی نەژادپەرستی دەکات لە ئێمە نییە".


ئه‌م بابه‌ته   ‌ جار خوێندراوه‌ته‌وه‌
2019-10-16
زیاتر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]