سەردێڕ:
سەرەکی  |   دەربارە  |   پەیوەندی  |  
زێدنیوز
کوردستان

هەڵمەتی پێکوتەی دژی نەخۆشی ئیفلیجی بەڕێوەدەچیت

زێد نیوز:

وەزارەتی تەندروستی حکومەتی هەرێمی کوردستان راگەیەندراوێکی لەبارەی بەڕێوەچوونی هەڵمەتی پێکوتەی دژی نەخۆشی ئیفلیجی، بڵاوکردەوە.


لەراگەیەندراوەکەی وەزارەتی تەندروستی حکومەتی هەرێمی کوردستاندا کە وێنەیەکی دەست (زێد نیوز) کەوتووە، ئاماژە بەوە کراوە "بۆ بەردەوامبوون لە پاراستنی منداڵەکانتان لە نەخۆشی ئیفلیجی و بنیاتنانی نەوەیەکی تەندروست، هەڵمەتی نیشتمانی سەرتاسەری لە هەرێمی کوردستان بە پێکوتەی دژی نەخۆشی ئیفلیجی لە ڕێگەی قەترەی دەم، بەڕێوە دەچێت". 

بەگوێرەی راگەیەندراوەکە، هەڵمەتەکە ئەمڕۆ (یەکشەممە 2019/9/29) لە هەموو شار و شارۆچکەکان و گوندەکان دەرگا بە دەرگای ماڵان لەلایەن تیمەکانی تەندروستی دەستپێدەکات و ماوەی پێنج ڕۆژ بەردەوام دەبێت. 

وەزارەتی تەندروستی لە راگەیەندراوەکەیدا، داوا لە دایکان و باوکان هاوکاربن بۆ پابەندبوون بە وەرگرتنی پێکوتە بۆ منداڵەکانیان لەنێوان تەمەنی یەک ڕۆژ بۆ پێنج ساڵ، لەکاتی هەر گرفتێک نزیکترین بنکەی تەندروستی ئاگاداربکەنەوە.



ئه‌م بابه‌ته   ‌ جار خوێندراوه‌ته‌وه‌
2019-09-29
زیاتر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]