سەردێڕ:
سەرەکی  |   دەربارە  |   پەیوەندی  |  
زێدنیوز
کوردستان

دەزگای لوتکە: کە کۆچت کرد بۆ ئەوروپا با ئەم پێداویستیانەت پێ بێت

زێد نیوز:

سەرۆکی دەزگای لوتکە بۆ کاروباری پەنابەران، راگەیەندراوێکی بڵاوکردەوە و تیایدا چەند ڕێنماییەک ئاراستەی ئەو هاووڵاتیانە دەکات کە دەیانەوێت کۆچ بکەن بۆ ئەوروپا.


ئاری جەلال، سەرۆکی دەزگای لوتکە بۆ کاروباری پەنابەران، لە راگەیەندراوەکەدا ئاماژە بەوە دەکات، هەر کەسێک بڕیاریداوە بە ڕێگا نایاساییەکانی وشکانی یاخود دەریایی کۆچ بکات بۆ گەیشتن بە وڵاتانی ئەوروپا، پێویستە ناسنامەی عێراقی (پـاسپـۆرت)ی پێ بێت، تـا لەکاتی دەستگیرکردندا گرفتی بێ ناسنامەیی بۆ دروست نەبێت و بۆ ماوەی درێژخایەن لە گرتووخانەکاندا نەمێنێتەوە.

سەرۆکی دەزگای لوتکە داوا لەو کۆچبەرانە دەکات پێش بەڕێکەوتن زانیاری و ناو و ژمارە تەلەفۆنی ئەو کەسانەی هاوسەفەری یەکترن بنێرن بۆ کەسوکاری یەکتر. 

دەشڵێت"هێڵی ئینتەرنێت چالاک بکەن و بەرنامەکانی ماسنجەر، وەتس ئەپ، ڤایبەر بۆ مۆبایل دابەزێنن و لۆکەیشنی بەردەوامی ئەو ڕێگایانەی پێیاندا دەڕۆن بۆ کەسوکارتان، بنێرن".

ئاری جەلال  جەخت دەکاتەوە، ئەگەر کۆچبەر ئەو رێنماییانە جێبەجێ بکەن لەکاتی دابڕانیان بە هەر هۆکارێک، زانیاری پێویست لەبەردەستی کەسوکاریان و دەزگای لوتکە دەبێت بە مەبەستی دۆزینەوەیان و هاوکاریکردنیان. 


ئه‌م بابه‌ته   ‌ جار خوێندراوه‌ته‌وه‌
2019-09-17
زیاتر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]