سەردێڕ:
سەرەکی  |   دەربارە  |   پەیوەندی  |  
زێدنیوز
کوردستان

بەڕێوەبەرایەتى رۆشنبیرى بە بەهەدەردانى 20 ملیار دینار تۆمەتبار دەکرێت

زێد نیوز:

ژمارەیەک لە نووسەر و رۆژنامەنووس و رۆشنبیری شاری سلێمانی کەمپینێکیان لەژێر ناوی (کەمپینێک لەپێناو مافی رۆشنبیران)، راگەیاند.

کەمپینەکە سەبارەت بە شێوازی خەرجکردنی 20 ملیار دیناری پایتەختی رۆشنبیرییە کە لەلایەن بەڕێوەبەرایەتی گشتی رۆشنبیری و هونەری سلێمانی خەرجکراوە و کەمپینەکە لەو بڕوایەدایە پارەکە بەهەدەر دراوە و لە کاتێکدا ئەو پارەیە بۆ ژێرخانی کلتووری شاری سلێمانی تەرخانکراوە بەڵام لەسەر خانی نۆژەنکردنەوەی هەندێک شوێندا خەرجکراوە. 

کەمپینەکە داوا لە دەستەی دەستپاكی، پەرلەمان، داواكاری گشتی، لەگەڵ سەرجەم رۆشنبیران دەکات هاوكاریان بن، بۆ ئەوەی "ئەو پارە بەهەدەردانە بەناوی رۆشنبیری و ژێرخانی كلتوورییەوە بیگەڕێنینەوە بۆ شوێنە راستەقینەكەی خۆی". 

دەقی راگەیەندراوی کەمپینەکە: 

كەمپینێك لە پێناو مافی رۆشنبیران

پاش ئەوەی خشتەی خەرجكردنی (20) ملیار دیناری بەرێوبەرایەتی رۆشنبیری سلێمانی، بەشێوەیەكی سەرسوڕهێنەر بڵاوبوویەوە.

ئێمە وەك دەستەیەك كەمپینێك رادەگەیەنین. لە هەمان كاتدا ئاگادارین ئەو بڕە پارەیە بۆ ژێرخانی كلتووری دانراوە و، لەسەرخانی نۆژەنكردنەوەی هەندێك شوێندا خەرجكراوە.

وێرای گومانەكان لە شێوازی خەرجكردنەكە، لەوەش ئاگادارین كۆمەڵیك لیژنە لەسەر ئەم كەیسە و هەندێك كەیسی دیكە لەسەر بەرێوبەرایەتی رۆشنبیری دەكەونە گەڕ و نامانەوێت لەو بارەیەوە بڕیاری پێشوەختە بدەین.

بەڵام وەك مافێكی هونەرمەندان، رۆشنبیران، شانۆكاران و سەرجەم چینەكانی ناو رووبەری رۆشنبیری شاری سلێمانی. ئەم كەمپینە رادەگەیەنن و داواكارین لە دەستەی دەستپاكی، پەرلەمان، داواكاری گشتی. لەگەڵ سەرجەم رۆشنبیران هاوكارمان بن، بۆئەوەی ئەو پارە بەهەدەردانە بەناوی رۆشنبیری و ژێرخانی كلتوورییەوە بیگەڕێنینەوە بۆ شوێنە راستەقینەكەی خۆی.

هیوادارین سەرجەم ئەو بەرێزانەی لە ناو دونیای رۆشنبیری و هونەردا كاردەكەن، لەخوارەوە ناو واژۆی خۆیان بكەن.

نەبەز گۆران نوسەر
بەرھەم ئەحمەد ڕۆژنامەنوس
حەسەن حامید خوێنەر
دلاوەر ڕەحیمی نوسەر
شۆڕش محەمەد ڕۆژنامەنوس
زانا حەمە غەریب- رۆژنامەنووس و سینەماکار
ڕێژین زاھیر مامۆستای زانکۆ
کۆژین جوانڕۆ شانۆکار
ڕەوەند ڕەئوف شانۆکار
ھۆشمەند ھەڵگورد خوێندکاری سینەما
باڵا دەروێش خوێنەر
سەرکەوت جەبار شاعیر
بەڵێن عوسمان چیرۆکنوس
عەبدولڵە گۆران ڕۆژنامەنوس
شاھۆ عوسمان نوسەر وەرگێڕ
برایم عومەر کتێبفرۆش
نەبەز مەحمود مامۆستای زانکۆ

دڵشاد هیوا - وەرگێڕ و مامۆستای زانكۆ
سەرکۆ ئازاد گڵاڵی. ئەندامی پەرلەمانی کوردستان



ئه‌م بابه‌ته   ‌ جار خوێندراوه‌ته‌وه‌
2019-09-13
زیاتر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]