سەردێڕ:
زێدنیوز
کوردستان

سۆران عومەر: بەنهێنی و ژێر بەژێر نرخی دەرمان گران دەكرێ‌

زێد نیوز:

سۆران عومەر ئەندامی پەرلەمانی كوردستان لە فراكسیۆنی كۆمەڵی ئیسلامی رایدەگەیەنێت "سەندیكای دەرمانسازان- لقی سلێمانی نرخی دەرمانی گران كردووە و نرخە تازەكانی بەسەر دەرمانخانەكان دابەش كردووە و هەر دەرمانخانەیەك پێوەی پابەند نەبێت ئاگاداركردنەوەی ئاراستە دەكەن و دواتر سزای مادی دەدەن و بۆ جاری سێهەم دایدەخەن".


سۆران عومەر پەرلەمانتاری فراكسیۆنی كۆمەڵی ئیسلامی لە پەرلەمانی كوردستان، لە هەژماری خۆی لە فەیسبووك نووسیویەتی "دوای بەدواداچوونەكان دەركەوت سەندیكای دەرمانسازان- لقی سلێمانی نرخی دەرمان گران دەكات و بۆ ئەم مەبەستەش هەموو نرخەكانی بەسیدیەك دابەشكردوە بەسەر دەرمانخانەكانی سلێمانی، هەر دەرمانخانەیەك پێوەی پابەند نەبێ ئاگاداركردنەوەی ئاراستە دەكەن دواتر سزای مادی دەدەن بۆ جاری سێیەم دایدەخەن". 

ئەو پەرلەمانتارە هاوپێچ وێنەی لیستی ئەو نرخە تازانەی دەرمانی داناوە كە بەوتەی ئەو بە سیدییەك ئاراستەی دەرمانخانەكان كراوە و ئاماژە بەوە دەكات "ئەو نرخانەی پێشوو هەر دەرمانێك قازانجی ٪‏10-12ی خراوەتە سەر بەپێی ئەم نرخە تازانە بێت دەرمان ھەیە سەدا پەنجاو شەست تاكو سەد قازانجی خراوەتە سەر!". 



 روونیدەكاتەوە "ئەمەش كارێكی مەترسیدارەو بەرێككەوتنی سەندیكاو زۆرێك لە دەرمانخانەكان دادەنرێ".

سۆران عومەر جەخت لەسەر ئەوە دەكاتەوە كە هەموو رێگەیەك دەگرنە بەر بۆ رەتكردنەوەی گرانكردنی دەرمان كە بەوتەی ئەو زۆربەیان دەرمانی نەخۆشیە درێژخایەنەكانن. 
دەشڵێت "ئەم بازگانیە مەترسیدارە بە خوێن و جەستەی خەڵكەوە تاوانی گەورەیە".



ئه‌م بابه‌ته   ‌ جار خوێندراوه‌ته‌وه‌
2019-05-13
زیاتر...
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]