سەردێڕ:
زێدنیوز
کوردستان

لەبارەی دەنگۆی داخستنی نەخۆشخانەی بەخشین روونكردنەوە دەدرێت

زێد نیوز:

بەڕێوەبەرایەتی نەخۆشخانەی بەخشین راگەیەندراوێكی لەبارەی ئەو دەنگۆیانە بڵاوكردەوە كە باس لەداخستنی نەخۆشخانەكە دەكەن.

لەراگەیەندراوەكەی بەڕێوەبەرایەتی نەخۆشخانەی بەخشین كە وێنەیەكی دەست (زێد نیوز) كەوتووە، هاتووە "هاونیشتمانیانی خۆشەویست، ماوەی چەند رۆژێكە دەنگۆی داخستنی نەخۆشخانەكەمان هەیە و گوایە لەئێستادا داخراوە لەئەنجامی سەردانیكردنی لیژنەیەكی بەڕێوەبەرایەتی تەندروستی سلێمانی بۆ نەخۆشخانەكەمان بەمەبەستی پشكنین". 

بەپێی راگەیەندراوەكە "ئەو لیژنەیە لەچوارچێوەی بەسەركردنەوەی نەخۆشخانە ناحكومەتییەكاندا سەردانی نەخۆشخانەكەی ئێمەشیان كردووە و بەڕێزەوە هاتوون و بەڕێزیشەوە بەڕێكراوون". 

لەراگەیەندراوەكەدا بەڕێوەبەرایەتی نەخۆشخانەی بەخشین ئاماژە بەوە دەكات "لێرەوە رایدەگەیەنین كە نەخۆشخانەی بەخشین كراوەیە و بەردەوامە لە خزمەتكردنی هاونیشتمانیانی خۆشەویست، دەتوانن سوودمەند بن لەتەواوی خزمەتگوزارییە تەندروستییەكانی نەخۆشخانەكەمان".

روونیشكراوەتەوە "هەر زانیارییەك بەناوی ئێمەوە سەبارەت بە ئیش و كارەكانی تەندروستی سلێمانی بڵاوكراوەتەوە راو بۆچون و دیدی ئێمە نییە".



ئه‌م بابه‌ته   ‌ جار خوێندراوه‌ته‌وه‌
2019-02-06
زیاتر...
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]