سەردێڕ:
زێدنیوز
جۆراوجۆر

به‌راهێنان له‌سه‌ر ئه‌م 10 خاڵه‌ خۆت ده‌وڵه‌مه‌ند بكه‌

زێد نیوز:

راوێژكاری دارایی: ئایار فه‌له‌ك

جیاوازی نێوان دەوڵەمەند و هەژار تەنها لە بیركردنەوەدایە 

گرنگ نییە ئیستا چەند پارەت لە گیرفانە، گرنگ ئەوەیە مێشكت دەوڵەمەندانە هەلبسورێنی، ئەگەر ئەم راهێنانانە بكەیت رۆژێك تۆش هەر دەوڵەمەند دەبیت, چونكە دەوڵەمەندەكانیش بەم دۆخەی ئێستای تۆ یان خراپتر تێپەریون. 

خاڵی یەكەم: سەرچاوەی هەبووی ئیستا، واتا ئەو پارەیەی كە ئیستا لە گیرفانتایە، یان بە نیازیت بڕێك وەربگریت. كەسێك مێشكی دەوڵەمەند بێت، بیر لەوە دەكاتەوە چی تر بكات لە ئیستادا بۆ ئەوەی ئەم سەرچاوەیەی ئیستا هەیە زیادی بكات. بەڵام هەژارەكە بیر لە خەرج كردنی دەكاتەوە و ناتوانێت كۆنترۆڵی خۆی بكات هەتا پارەكەی خەرج دەكات ئەوجا دڵی ئاسودە دەبێت. بەڵام بیركردنەوەی هەردوكیان رێزلێگیراون، ئەوان ئارەزووی خۆیانە چۆن پارەكانیان خەرج دەكەن. 

خاڵی دووم: پاشەكەوت كردن لای دەوڵەمەند شتێكی حەتمییە و ئەگەر برێكی كەمیش بێت، تەنانەت ئەگەر مانگی بیست دۆلاریش بێت. بەڵام هەژارەكە بەلایەوە ئاساییە بچێتە ژێر باری قەرز تا سەری مانگ موچە وەردەگرێت. با وای دانێین ئەم دوو كەسە هەردووكیان موچەیەكی مانگانەیان هەیە بە بری 200 دۆلار، ئەگەر كەسی مێشك دەوڵەمەند تەنها 20 دۆلاری پاشەكەوت كردبێت، وە كەسی هەژار تەنها 20 دۆلار قەرزی كردبێت ئەوا لە سەری مانگدا جیاوازی سەرمایەكەیان 40 دۆلارە. ئەم جیازوازییە لە مانگەكانی داهاتوو بەرەو زیاتر دەچێت. 

خاڵی سێهەم: زیادكردنی سەرچاوەی داهات، دەوڵەمەندەكان بەردەوام بۆ ئیشێكی دیكە دەگەرێن بێجگە لە كارەكەی خۆیان، بەمەش بارستایی قازانج زیاد دەكات، لە كاتێكدا هەژارەكە تەنها خەریكی قسەی زل و ڕەخنە گرتنە، بەردەوام نارازییە و بەدوای تاوانبار كردنی خەڵكانی دیكە و وەزعەكە و شتی دیكەدا دەگەرێت. 

خاڵی چوارەم: بڕوا بە خۆ بوون, زۆرێك لە دەوڵەمەندەكان دەكەون و زەرەری گەورە دەكەن، بەڵام دیسانەوە لە سفرەوە دەست پێ‌ دەكاتەوە و بەخێرایی دەوڵەمەند دەبێـەوە بەڵام هەژارەكان كە كەوتن توشی داروخان دەبن و ئیتر تەنها بە خەیاڵی رۆژانی پێشوو دەژین, ئەمە مێشكی هەژارە و پێشتر بە هەڵە دەوڵەمەند بووە یان پارەیەكی بەلاشی دەست كەوتووە. 

خاڵی پێنجەم: حەزی سەركێشی یان مەترسی، هیچ كارێك نیە مەترسی نەبێت، ئەگەر بتەوێت برێك پارە بەدەست بهێنیت پێویستە بایی ئەو پارەیەی تۆ دەوێت خۆت بخەیتە مەترسیەوە. كەسێك بیرۆكەی دەوڵەمەند بێت ئامادەیە بۆ رووبەروو بوونەوەی هەر مەترسییەك، هەژارەكە بە حالی ئیستای خۆی رازییەو مەترسی ناكات بۆ پارەیەكی زیاتر. 

خاڵی شەشەم: لە بیرت بێت، كات یەكسانە بە پارە، دەولەمەندەكان خەم دەخۆن كە كات بەشیان ناكات بۆ ئەوەی زیاتر بیر بكەنەوە و پرۆژەی زیاتر بكەن، هەژارەكان بەردەوا بیر لە شتی بچوك دەكەنەوە، هیچ بەلایەوە گرنگ نییە 4 سەعات لەسەر بابەتێكی ئاینی یان سیاسی گفتوگۆی بێ‌ دەرئەنجام بكات، حەزكردن لە گفتوگۆی درێژ واتا لەدەستدانی كات, لەدەستدانی كات یەكسانە بە لەدەستدانی پارە. 

خاڵی حەوتەم متمانە: كەسە دەوڵەمەندەكان بەردەوام بەدوای متمانە دەگەرێن بۆ هاوبەشی كار یان تەنانەت هاوبەشی ژیان، هەرچۆنێك بێت پێویستی بە ژینگەیەكی زۆر ئارام هەیە هەتا توانا بەگەر نەخراوەكانی بەگەر بخات، هەزارەكە بەدوای ناو یان شتی لاوەكیدا دەگەرێت. 

خاڵی هەشتەم: راست بینی، دەوڵەمەند و هەژار هەردوكیان بیرۆكەی باش لە خەیاڵیاندا هەیە، دەوڵەمەندەكە بەراستی واقیعی كارەكە دەخاتە بواری جێ بەجێ‌ كردن، پارەیەكی زۆر بەدەست دەهێنێت بەڵام هەژارەكە هیشتا هەر بە خەیاڵ لێكدانەوەی تێدا دەكات. 

خاڵی دەیەم: بیرۆكەی داهێنەرانە، كە لە رۆشنبیری كۆمەڵایەتیەوە سەرچاوە دەگرێ‌، رەنگە كەسێكی تەنانەت ئەگەر نەخوێنەواریش بێت، بە شەقامێكدا بڕوات دەزانێت چی جۆرە كەسابەتێك لەم ناوە باشە، ئەمە دەوڵەمەندەكەیە، هەژارەكە بیرلەوە دەكاتەوە بزانێت چۆن رەخنە لە شێوازەكان بگرێت. 

چەند خاڵێكی دیكەش هەن كە پێویستە لەدەست نەدرێت، وەك هەل، قبوڵكردنی ململانێی كار، خۆئامادەكردنی پیشوەختە، هتد.. بەڵام خاڵە گرنگەكان جێ‌ بە جێ‌ بكە. 

بەرێزت بەدەست خۆتە كام بیرۆكەیە هەڵدەبژێریت و دەچیتە كام لایەن، هەرچیەكیان بێت، هەڵبژاردنی تۆ لە هەموو خاڵەكان گرنگترە.


ئه‌م بابه‌ته   ‌ جار خوێندراوه‌ته‌وه‌
2019-01-25
زیاتر...
123
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]