سەردێڕ:
سەرەکی  |   دەربارە  |   پەیوەندی  |  
زێدنیوز
وتار

حەڤدەی شوبات

هۆشیار عه‌بدوڵا
حەڤدەی شوبات و رۆژانی دوایی ساتەوەختێکی مێژویی جیاوازن لە دەسەڵاتی جوتحزبەکە ، حەڤدەی شوبات پێی گوتین سنگی لاوانی کورد و خوێنی گەنجان نەک هێلی سور نیە بۆ دەسەڵاتیان بەڵکو ئاسانترین کارێکە کە لە پێناو مانەوەی خۆیاندا بیکەن.

ئەو دو حزبە دەسەڵاتیان بەهۆی ڕشتنی خوێنی شەهیدانی حەڤدەی شوبات و رۆژانی دوایی و بەهۆی دونیایەک بەدکاری ترەوە، لەوانە تەزویر و تاڵانی نەوت و دەنگدزین و سوتاندنی کارتی ریفراندۆم و ۱٦ ئۆکتۆبەر و دەیان بەدکاری تر بەدەوامە.

لام سەیرە کە بۆ دەسەڵاتی ئەو دو حزبە باسی شەرعیەتی یاسایی بکرێت، باسی کورسی پەرلەمانی بکرێت ، واز لەوە بێنە لە هەڵبژاردن بە تەزویر دەیبەنەوە و شەرعیەتیان هی تەزویرە ، بەڵام لە شەرعیەت باڵاتر مەشروعیەتە لە ۱۷ی شوبات و رۆژانی دواییەوە ئەو دو حزبە فڕیان بەسەر مەشروعیتەوە بۆ حوکمڕانی خەڵک نەماوە .

شەهیدانی حەڤدەی شوبات خەڵکانێکی غەریببون بۆ هەموان ، کەس نەیدەناسین بەڵام چونکە لە سەر رێگایەکی رەوا بون ، ئەوەتا چونەتە مێژوەوە ، لە دڵی کوردستاندا دەژین، بونەتە سیمبول و ساڵانە یادیان بەرز رادەگیریت و ئەو دەسەڵاتەی ئەوانەی شەهید کرد هەتا مێژو مابێت سەری شۆڕە ، جا ئەگەر نەک دەسەلاتی چوار پارێزگا بەڵکو هەمو کەونی بەدەستەوە بێت .

بۆ ئەمساڵ ئەگەر قسەیەک هەبێت لەو یادەدا بکرێت ئەوەیە کە دەسەڵاتی هەرێم زادەی دەیان تاوانی وەک حەڤدەی شوباتە رەتکردنەوە و هەوڵدان بۆ گۆرینی ریشەیی ئەرکێکی نیشتیمانیە و لادان لەو ئەرکە جا هەکەس بیکا باجەکەی گران دەبێت.

شەهیدانی حەڤدەی شوبات پێمان دەڵێن ، ئەوەی مانا بە رەوایەتی ئەدا دەسەڵات نیە ، بەڵکو رێگای راستە ، بۆ سەرکەوتن ، لانەدان لەو رێگا راستە ، گرەنتی و چمانە .

نەوشیروان مستەفاش هەروایکرد مرد و لە رێگا راستەکەی خۆی لاینەدا.

2/17/2019 8:02:27 PM
بابەتەکانی تری نوسەر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]