سەردێڕ:
سەرەکی  |   دەربارە  |   پەیوەندی  |  
زێدنیوز
وتار

سەگە هارەکە

هونه‌ر تۆفیق
پیشەیی بە ، بە ئەدەب بە ، بەڵام هەمیشە ئامادەی کوشتنی بەرانبەرەکەت بە . ئەمە گرنگترین پرەنسیبی سەربازی پیاوە بە دیسپلینەکەی پنتاگۆن جیمس ماتیاسە کە بە سەگەهارەکە لەناو سوپا و ئیدارە و میدیای ئەمریکیدا ناوی دەرکردووە .

ترامپ بەهۆی ئەو سەگە هارەوە ترسی لە دوورکەوتنەوەی وەزیر و هاوکارەکانی دیکەی ئیدارەکەی نەبوو ، تەنانەت بە پشت قایمی ماتیاسەوە بێخەم بوو لە دەستلەکارکێشانەوەی تیلەرسنی وەزیری دەرەوەش . 

سەگە هارەکە بۆ ترامپ جگە لە سەرکردەیەکی سەربازی بەزەبر و زەنگ ، تاکە ستراتیژیستی هاوڕای بوو لە سیاسەتی بەرەنگاری ئێران و ڕوسیادا . لەدەستدانی ئەو سەگەهارەی هەموو ژیانی بۆ خزمەتی سەربازی تەرخانکردووە ، تەنانەت ژنیشی نەهێناوە بە ( ڕەبەن ) ی دەژی بۆ ئەوەی تەرخان بێت بۆ شەرەفە پیشەییەکەی کە سەربازیە تراممپ لەئەگەری هەرەس هێنانی ئیدارەکەی نزیک دەخاتەوە . 

لە هەرسێ ئیدارەکەی ، بوشی کوڕ و ئۆباما و ترامپدا ، سەگەهارەکە لە جەنگی ئەفغانستان و عێراق و سوریادا سەرکردایەتیەکی بێ وێنەی سەربازی کردووە . شەڕی فەلوجە بە سەرپەرشتی ئەوئەنجامدرا . لە توندترین لێدوانی شەڕی ئەفغانستاندا چەندین جار دەیگوتەوە : ئێوە پیاوانی ئەفغانی لەسەر پەچە نەبەستن ژنەکانتان دەکوژن ، بۆیە خۆتان شایستەی کوشتنن . 

ئەو سەگە هارە هێندە شەرەفی پیشەیی خۆی بەلاوە مەبەست بوو وەک نزیکترین کەسی ترامپ لەپێناو شەرەفە سەربازیەکەیدا کە نابێت خیانەت لە هاوپەیمانەکانیان بکەن دەستی لەکار کێشایەوە . کەچی لە کوردستاندا دەیان جار خیانەت نەک هەر لە هاوپەیمان لە کورد و هاوڵاتیان کرا ، شەرەفی پیشەیی و سەربازی سەرکردەیەکی سەربازی نەبزوا ئەگەر ئیستقالەش نەکات ، بە سەرکردایەتیە سیاسیەکەی بڵێت تۆ هەڵەبوویت .
12/22/2018 11:50:25 AM
بابەتەکانی تری نوسەر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]