سەردێڕ:
سەرەکی  |   دەربارە  |   پەیوەندی  |  
زێدنیوز
وتار

ھۆکاری سەردانی نێچیرڤان بارزانی بۆ بەغدا

ئاسۆ حاجی

لە ھۆکارێک زیاتر لە پشت سەردانەکەی نێچیرڤان بارزانی سەرۆکی ھەرێمی کوردستان ھەیە بۆ بەغدا:

- ھەرە گرنگەکەیان پێویستی عەبدولمەھدیە بۆ ئەو سەردانە بۆ ئەوەی لە نێو ئەو گەلەکۆمەی ئێستا لە بەغدا و لەلایەن ھێزە سیاسیەکانی نزیک لە عەبادی لێی دەکرێ پێویستی بەوەیە بەھێزەوە وەدەرکەوێتەوە و وەک پیاوی دەوڵەت و چارەسەرکردنی کێشە ھەڵپەسێردراوەکان تەماشا بکرێ نەک پیاوی دروست کردنی قەیران و تاکڕەوی وەک عەبادی و بەر لەویش مالیکی.

- ھەر سێ سەرۆکایەتی عێڕاق فیدڕال لە سەرۆکایەتی کۆمار و پەرلەمان و ئەنجوومەنی وەزیران چاویان لەوەیە نێچیرڤان بارزانی ببێتە ھاندەریان بۆ ئەوەی بۆچوونەکانیان دەربارەی کێشە ناوخۆیەکان و کێشە ھەرێمایەتیەکان یەکبخەن،چونکە لە ماوەی رابردوو ھەڵوێستەکانیان دەربارەی کێشە ئیقلیمیەکان لە یەک دوور بوون بە تایبەتی لە بەرامبەر سزاکانی ئەمەریکا لە سەر ئێران و مەترسی دروست بوونی شەڕ لە نێوانیاندا.

- ئەو سەردانەی نێچیرڤان بارزانی تەواوکەری سەردانەکەی سەرۆک بارزانیە کە دوای دەستبەکاربوونی عەبدولمەھدی سەردانی بەغدای کرد و ھەردوولا بە لێک تێگەیشتنێکی جەنتەلمانانە گەیشتن بۆ کێشانی ھێلە گشتیەکانی چارەسەرکردنی کێشەکانی نێوان ھەولێر و بەغدا کە بە ناردنی موچەی فەرمانبەرانی ھەرێمی کوردستان دەستی پێکرد.

- رەنگە ھەرێمی کوردستان نەرمی بنوێنێ بۆ رادەست کردنی نەوت بە بەغدا بە بڕێکی دیاریکراو بۆ ئەوەی عەبدولمەھدی لە بەرامبەر نەیارانی بەھێزتر بێت،بەڵام بەو مەرجەی لە ماوەیەکی دیاریکراودا یاسای نەوت و گاز لە پەڕلەمانی فیدڕال بە سازانی نێوان ھەولێر و بەغدا دەربچێ، ھەروەھا پرسی گەڕانەوەی پێشمەرگە بۆ ناوچە کوردستانیەکانی دەرەوەی ئیدارەی ھەرێم لە قسە و دانیشتن بکەوێتە دۆخی کرداری.

- بەرھەم ساڵح سەرۆک کۆماری عێڕاق کە لە رۆژی سوێند خواردنی نێچیرڤان بارزانی سەرۆکایەتیەکەی کامل بوو بە ھەموو تواناوە دەیەوێ لە رێگای نێچیرڤان بارزانیەوە بگەڕێتەوە ناو تیمی کوردستانی و لە بەغدا سەرۆکایەتی ئەو تیمە بکا و ھەمان سەردەمی مام جەلال و کاک مەسعود دووبارەبکەنەوە کە نێچیرڤان بارزانی ھاندەری ئەوەیە و سەرۆک مەسعود بارزانیش پاڵپشتە بۆیان.

- ئەو سەردانە کە لە سەرداوای سەرۆک وەزیرانی عێڕاق عادل عەبدولمەھدی بووە جگە لەو خاڵانەی سەرەوە کە ئاماژەیان بۆکراوە، خاڵێکی دیکەی جەوھەری ھەیە کە پەیوەندی بە بارودۆخی سیاسی ئێستای ھەرێمی کوردستانە و پەیامی حکومەتی عێڕاقە کە ئەوان مامەڵە لەگەڵ حکومەت دەکەن لە ھەولێر نەک گروپێک و کەسانێک کە پرۆژەی پارچەکردنی ھەرێمی کوردستان ئامادە دەکەن بیدەنە بەغدا،عەبدولمەھدی ئەوەی بە نێچیرڤان بارزانی گووتوە کە دەیەوێ لە بەغدا ئەو پەیامە بە ھەموو لایەک بدا.

- حکومەتی فیدڕالی عێڕاق بە ھەر سێ سەرۆکایەتیەکەیەوە ھێزە کوردستانیەکان بۆ زوو پێکھێنانی کابینەی نوێ ھاندەدەن و پاڵپشتیان لەوە کردووە کە پێویستە لە وادەی یاسایی خۆیدا کابینەی نوێ دروست بێت، لە دانیشتنی بارزانی و بەرھەم ساڵح ئەوە بە وردی باسی لێوە کراوە و ھاوبۆچوون بوون دەربارەی پرسی پێکھێنانی حکومەت و چارەسەرکردنی گرفتە سیاسیەکان.

6/21/2019 9:48:41 AM
بابەتەکانی تری نوسەر...
←  تیمەکەی نێچیرڤان بارزانی هەرێم بەرەو کوێ دەبا؟
←  کابینەکەی مەسرور بارزانی و گرفتەکانی یەکێتی
←  سڵاو لە وەزیری شارەوانی
←  سێوەکانی نێچیرڤان و سەبەتەکەی مەسرور بارزانی
←  پەکەکە و میرایەتی ئێزیدیان
←  چ لایەنێک لە پشت رووداوەکەی هەولێرە؟
←  بارزانی و ماکڕۆن و رۆژهەڵاتی نوێ
←  ھۆکاری سەردانی نێچیرڤان بارزانی بۆ بەغدا
←  ئایا مەترسی لە سەر دەروازەی ئیبراھیم خەلیل ھەیە؟
←  نهێنی گەڕانەوە بۆ هەولێر
←  یەکێتی بۆ وا دەکا؟ (رێکدەکەوێ و پاشگەزدەبێتەوە)
←  کەرکوک دەگەڕێتەوە یان ناگەڕێتەوە؟
←  نێچیرڤان بارزانی بۆ یەکێتی !
←  دیموکراسیەتی یەکێتی
←  قسەی جیاوازی یەکێتی
←  چاوەڕوانی چ لە مەسرور بارزانی بکەین؟
←  دوا بڕیاری یەکێتی
←  رۆژئاوا و یەک رێگا
←  رۆژئاوا،بۆ کورد دەبێ یان بۆ ئەوان ؟
←  نێچیرڤان و سیاسەتی دەرگای کراوە
←  خاڵە گرنگەکانی سەردانەکەی بەرهەم ساڵح بۆ تورکیا
←  رۆژئاوا لە نێوان هەولێر و قەندیل دا
←  قۆناغی نێچیرڤان و پەلەپەلی پارتی
←  ئەگەری حکومەتی بێ یەکێتی
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]