سەردێڕ:
سەرەکی  |   دەربارە  |   پەیوەندی  |  
زێدنیوز
وتار

چیمان بۆ سێوه‌و په‌پوله‌كانی كرد

له‌تیف فاتیح فه‌ره‌ج
سێوه‌ش مرد ، سێوه‌ قادریش به‌ره‌و لای جگه‌رگۆشه‌كانی كه‌وته‌ ڕێ‌ ، ئێمه‌ چیمان كرد ، سۆزو لێدان و ده‌ستخستنه‌ كارو باری دادوه‌رو دادگاو هه‌وڵدان بۆ ناشرینكردنی شارو زۆر شتی تر ، سێوه‌و سێ‌ جگه‌رگۆشه‌كه‌ی بوونه‌ قوربانی ، هه‌ر قوربانی ئه‌وه‌ ناكه‌له‌م سه‌رماو سۆڵه‌یه‌دا به‌ سوتان گیانیان له‌ ده‌ست دا ، قوربانی ئه‌وه‌ش كه‌ میدیاو خه‌ڵك له‌م هه‌فته‌یه‌دا چ یاریه‌كی خراپیان به‌رانبه‌ر شارێك و كه‌س و كاری سێوه‌و دیارو دایك و باوكی ئه‌وان كرد .

من تا سێوه‌ نه‌گه‌ڕایه‌وه‌ بۆ لای خودای خۆی قسه‌م نه‌كرد ، لێ‌ ئێستا ئیتر ده‌بێت قسه‌یه‌ك بكه‌م ، واز له‌ سێوه‌و دیارو دۆسیه‌كه‌ی دادگا بێنن ، وه‌رم پرسیاری ئه‌وه‌ بكه‌ن ، ئێمه‌ له‌ چ جه‌نگه‌ڵێكدا ده‌ژین ، جه‌نگه‌ڵی ئازاردانی یه‌كتر ، جه‌نگه‌ڵی شكاندنی یه‌كتر ، یه‌ك هه‌فته‌یه‌ هه‌ر جاره‌ی به‌ هه‌واڵێك دڵمان داده‌خورپێنن ، جارێك باوكی سێوه‌ ده‌مانخاته‌ گریان و جارێك باوكی دیار ، له‌م هه‌فته‌یه‌دا چه‌ند جارێك سێوانیان كوشت ، چه‌ند جارێك براو كه‌سی وتیان ماوه‌ ، نازانم ئه‌و په‌له‌ی كوشتنه‌، بۆ كه‌سێك كه‌ هه‌موو جه‌سته‌ی سوتاوه‌ به‌ دڵیشیه‌وه‌ جگه‌ له‌ زمانی بۆ ، بۆ په‌له‌ی مردنی سێوه‌مان بوو ، ئیتر سێوه‌ مرد ، كاتی ئه‌وه‌یه‌ له‌ كه‌لتورو هه‌ست و كه‌وت و داب و نه‌ریته‌ كۆمه‌ڵایه‌تیه‌كانمان بكۆڵینه‌وه‌ ، ماوه‌یه‌ك له‌مه‌وبه‌ر هه‌ر له‌ چه‌مچه‌ماڵ خێزانێكی عه‌ره‌ب بوونه‌ قه‌ره‌بروت ، بۆ ئه‌وه‌ش داخمان خوارد ، لێ‌ هه‌زاران چیرۆكمان نه‌هۆنیه‌وه‌ ، داخمان خوارد و چه‌مچه‌ماڵیه‌ میواندۆست و دڵفراوانه‌كان تازیه‌یان بۆ به‌ڕێوه‌ برد ، چیرۆكه‌كه‌ش چیرۆكی سوتان بوو ، به‌ڵام وه‌ك ئه‌مه‌ی سێوان و په‌پوله‌كانی میدیا خه‌ڵكیان پێوه‌ ئازار نه‌دا .

میدیا هه‌ندێ‌ جار شتی چه‌وت و چێڵ ده‌كات بۆ ئه‌وه‌ی ناوبانگ ده‌ركات ، په‌روه‌رده‌یی میدیایی ئێمه‌ زۆر خراپه‌ ، كه‌ناڵ هه‌یه‌ په‌یامنێره‌كه‌ی بۆ ئه‌وه‌ ده‌نێرێت خۆی ببێته‌ هه‌واڵ نه‌ك هه‌واڵ به‌رێته‌وه‌، سه‌دان جار شتی له‌م بابه‌ته‌م بینیوه‌ ، ئه‌و میدیایه‌ هاوشێوه‌ی ده‌زگای جاسوسی سه‌رقاڵی شتێ‌ تره‌، چیرۆكی سێوه‌و جگه‌ر گۆشه‌كانی پێویستی به‌ ساڕێژكردن و به‌ گژا چوونه‌وه‌ی نه‌ریته‌، نه‌ك تێكدانی په‌یوه‌ندی و خۆشكردنی ئاگری دوو به‌ره‌كی .

سێوه‌ مرد، له‌ ته‌ك سێوه‌دا ناكرێ‌ هه‌وڵی مردنی شارێك دایك و باوكی سێوه‌ ، دایك و باوكی دیار و هه‌موو شتێ‌ بده‌ین ، چۆن نه‌هێڵین ئه‌م چیرۆكه‌ به‌ بێده‌نگی تێپه‌ڕێت ، ئه‌مه‌ به‌وه‌ ده‌بێت به‌ گژ كه‌لتورو خراپی زمانی كۆمه‌ڵگه‌دا بچینه‌وه‌ ، هاوڕێیه‌كم كه‌ خه‌ڵكی چه‌مچه‌ماڵه‌و خێزانه‌كه‌ی سلێمانی ، وتی پێیان وتوم ، كه‌س و كاری هاوسه‌ره‌كه‌ی ئیتر ده‌بێت لێت بترسین ، ئه‌مه‌ بۆ ، بۆ ده‌بێت چاوه‌ڕێی یه‌كلابوونه‌وه‌ی كێشه‌كه‌ نه‌كه‌ین له‌ دادگا ، سێوه‌و په‌پوله‌كانی مردن و دیاری هاوسه‌ریشی له‌ زیندانایه‌، بزانین ئه‌مه‌ تا كوێ‌ ده‌ڕوات.

چه‌مچه‌ماڵ شینگێڕی سێوه‌و مناڵه‌كانی سێوه‌ن ، له‌وه‌ زیاتر برینداری مه‌كه‌ن ، له‌وه‌ زیاتر دایك و باوكی سێوه‌و دیار بریندار مه‌كه‌ن ، برینه‌كه‌ زۆر به‌ سوێیه‌ ، تكایه‌ له‌و خانه‌وادانه‌ بگه‌ڕێن ، چه‌مچه‌ماڵیش شایانی ئه‌و هه‌موو سوكایه‌تی پێكردنه‌ نیه‌.

ئازاره‌كه‌ گه‌وره‌یه‌و تاوانێكه‌ ده‌رهه‌ق به‌ دایكێك و سێ‌ مناڵی فریشته‌ ئاسا ، با یه‌كجار لێگه‌ڕێین بزانین دادگا له‌م پرسه‌دا چی ده‌ڵێت.
چیمان بۆ سێوه‌و په‌پوله‌كانی كرد 

سێوه‌ش مرد ، سێوه‌ قادریش به‌ره‌و لای جگه‌رگۆشه‌كانی كه‌وته‌ ڕێ‌ ، ئێمه‌ چیمان كرد ، سۆزو لێدان و ده‌ستخستنه‌ كارو باری دادوه‌رو دادگاو هه‌وڵدان بۆ ناشرینكردنی شارو زۆر شتی تر ، سێوه‌و سێ‌ جگه‌رگۆشه‌كه‌ی بوونه‌ قوربانی ، هه‌ر قوربانی ئه‌وه‌ ناكه‌له‌م سه‌رماو سۆڵه‌یه‌دا به‌ سوتان گیانیان له‌ ده‌ست دا ، قوربانی ئه‌وه‌ش كه‌ میدیاو خه‌ڵك له‌م هه‌فته‌یه‌دا چ یاریه‌كی خراپیان به‌رانبه‌ر شارێك و كه‌س و كاری سێوه‌و دیارو دایك و باوكی ئه‌وان كرد .
من تا سێوه‌ نه‌گه‌ڕایه‌وه‌ بۆ لای خودای خۆی قسه‌م نه‌كرد ، لێ‌ ئێستا ئیتر ده‌بێت قسه‌یه‌ك بكه‌م ، واز له‌ سێوه‌و دیارو دۆسیه‌كه‌ی دادگا بێنن ، وه‌رم پرسیاری ئه‌وه‌ بكه‌ن ، ئێمه‌ له‌ چ جه‌نگه‌ڵێكدا ده‌ژین ، جه‌نگه‌ڵی ئازاردانی یه‌كتر ، جه‌نگه‌ڵی شكاندنی یه‌كتر ، یه‌ك هه‌فته‌یه‌ هه‌ر جاره‌ی به‌ هه‌واڵێك دڵمان داده‌خورپێنن ، جارێك باوكی سێوه‌ ده‌مانخاته‌ گریان و جارێك باوكی دیار ، له‌م هه‌فته‌یه‌دا چه‌ند جارێك سێوانیان كوشت ، چه‌ند جارێك براو كه‌سی وتیان ماوه‌ ، نازانم ئه‌و په‌له‌ی كوشتنه‌، بۆ كه‌سێك كه‌ هه‌موو جه‌سته‌ی سوتاوه‌ به‌ دڵیشیه‌وه‌ جگه‌ له‌ زمانی بۆ ، بۆ په‌له‌ی مردنی سێوه‌مان بوو ، ئیتر سێوه‌ مرد ، كاتی ئه‌وه‌یه‌ له‌ كه‌لتورو هه‌ست و كه‌وت و داب و نه‌ریته‌ كۆمه‌ڵایه‌تیه‌كانمان بكۆڵینه‌وه‌ ، ماوه‌یه‌ك له‌مه‌وبه‌ر هه‌ر له‌ چه‌مچه‌ماڵ خێزانێكی عه‌ره‌ب بوونه‌ قه‌ره‌بروت ، بۆ ئه‌وه‌ش داخمان خوارد ، لێ‌ هه‌زاران چیرۆكمان نه‌هۆنیه‌وه‌ ، داخمان خوارد و چه‌مچه‌ماڵیه‌ میواندۆست و دڵفراوانه‌كان تازیه‌یان بۆ به‌ڕێوه‌ برد ، چیرۆكه‌كه‌ش چیرۆكی سوتان بوو ، به‌ڵام وه‌ك ئه‌مه‌ی سێوان و په‌پوله‌كانی میدیا خه‌ڵكیان پێوه‌ ئازار نه‌دا .
میدیا هه‌ندێ‌ جار شتی چه‌وت و چێڵ ده‌كات بۆ ئه‌وه‌ی ناوبانگ ده‌ركات ، په‌روه‌رده‌یی میدیایی ئێمه‌ زۆر خراپه‌ ، كه‌ناڵ هه‌یه‌ په‌یامنێره‌كه‌ی بۆ ئه‌وه‌ ده‌نێرێت خۆی ببێته‌ هه‌واڵ نه‌ك هه‌واڵ به‌رێته‌وه‌ ، سه‌دان جار شتی له‌م بابه‌ته‌م بینیوه‌ ، ئه‌و میدیایه‌ هاوشێوه‌ی ده‌زگای جاسوسی سه‌رقاڵی شتێ‌ تره‌ ، چیرۆكی سێوه‌و جگه‌ر گۆشه‌كانی پێویستی به‌ ساڕێژكردن و به‌ گژا چوونه‌وه‌ی نه‌ریته‌ ، نه‌ك تێكدانی په‌یوه‌ندی و خۆشكردنی ئاگری دوو به‌ره‌كی .
سێوه‌ مرد ، له‌ ته‌ك سێوه‌دا ناكرێ‌ هه‌وڵی مردنی شارێك دایك و باوكی سێوه‌ ، دایك و باوكی دیار و هه‌موو شتێ‌ بده‌ین ، چۆن نه‌هێڵین ئه‌م چیرۆكه‌ به‌ بێده‌نگی تێپه‌ڕێت ، ئه‌مه‌ به‌وه‌ ده‌بێت به‌ گژ كه‌لتورو خراپی زمانی كۆمه‌ڵگه‌دا بچینه‌وه‌ ، هاوڕێیه‌كم كه‌ خه‌ڵكی چه‌مچه‌ماڵه‌و خێزانه‌كه‌ی سلێمانی ، وتی پێیان وتوم ، كه‌س و كاری هاوسه‌ره‌كه‌ی ئیتر ده‌بێت لێت بترسین ، ئه‌مه‌ بۆ ، بۆ ده‌بێت چاوه‌ڕێی یه‌كلابوونه‌وه‌ی كێشه‌كه‌ نه‌كه‌ین له‌ دادگا ، سێوه‌و په‌پوله‌كانی مردن و دیاری هاوسه‌ریشی له‌ زیندانایه‌ ، بزانین ئه‌مه‌ تا كوێ‌ ده‌ڕوات .
چه‌مچه‌ماڵ شینگێڕی سێوه‌و مناڵه‌كانی سێوه‌ن ، له‌وه‌ زیاتر برینداری مه‌كه‌ن ، له‌وه‌ زیاتر دایك و باوكی سێوه‌و دیار بریندار مه‌كه‌ن ، برینه‌كه‌ زۆر به‌ سوێیه‌ ، تكایه‌ له‌و خانه‌وادانه‌ بگه‌ڕێن ، چه‌مچه‌ماڵیش شایانی ئه‌و هه‌موو سوكایه‌تی پێكردنه‌ نیه‌ .
ئازاره‌كه‌ گه‌وره‌یه‌و تاوانێكه‌ ده‌رهه‌ق به‌ دایكێك و سێ‌ مناڵی فریشته‌ ئاسا ، با یه‌كجار لێگه‌ڕێین بزانین دادگا له‌م پرسه‌دا چی ده‌ڵێت .
12/24/2018 1:43:14 PM
بابەتەکانی تری نوسەر...
سەرەکی  |   دەربارە  |   پەیوەندی  |  
Telerik For IT Solution

© Copyright 2018 ZEDNEWS. All Rights Reserved.

         E-Mail: [email protected]